පාස්කු ඉරිදා බෝම්බ ප්‍රහාරය සම්බන්ධයෙන් ශ්‍රී ලංකා කතෝලික රදගුරු සම්මේලනය සහ කොළඹ අගරදගුරු කාදිනල් මැල්කම් රංජිත් හිමිපාණන් එකම මතය දරන අතර, විදේශීය නිරීක්ෂකයන් සම්බන්ධ කර ගනිමින් ඒ පිළිබඳව දේශීය පරීක්ෂණයක් පැවැත්විය යුතු යැයි දෙපාර්ශ්වයම ඉල්ලා සිටියි.

ශ්‍රී ලංකා කතෝලික රදගුරු සම්මේලනයේ සභාපති හැරල්ඩ් ඇන්තනි පෙරේරා රදගුරුතුමා උපුටා දක්වමින් පල්ලිය විසින් නිකුත් කළ නිවේදනයකින් මේ බව අනාවරණය විය.

“පාස්කු ඉරිදා බෝම්බ ප්‍රහාරය සහ අනෙකුත් කරුණු සම්බන්ධයෙන් ශ්‍රී ලංකා කතෝලික රදගුරු සම්මේලනය ඒකමතික මතයක් දරයි. එම නිසා පාස්කු ඉරිදා බෝම්බ ප්‍රහාරය සම්බන්ධයෙන් විදේශීය නිරීක්ෂකයන් ද පැමිණ අපක්ෂපාතී දේශීය පරීක්ෂණයක් පැවැත්විය හැකි බවට කාදිනල්තුමා සහ රදගුරු හිමිවරු එකම මතයක් දරති. කාදිනල් රංජිත් හිමිපාණන් සහ රදගුරු සමුළුව අතර භේදයක් ඇති බව පෙන්වීමට ජනාධිපතිතුමා උත්සාහයක් ගෙන තිබෙනවා” යැයි රදගුරු පෙරේරා පියතුමෝ මෙම ප්‍රකාශයේ සඳහන් කරති.

ජර්මානු රූපවාහිනී නාලිකාවක් සමඟ කළ සම්මුඛ සාකච්ඡාවකදී ප්‍රකාශ කළ පරිදි ජනාධිපතිවරයා තමන්ව හෝ රදගුරු සමුළුව හමු නොවූ බව රදගුරුතුමෝ පවසති.

කෙසේ වෙතත් මීට වසරකට පෙර ජනාධිපතිවරයා විවිධ කරුණු සාකච්ඡා කිරීමට තමන් හමුවූ බව රදගුරු පෙරේරා පියතුමා පෙන්වාදෙති.