July 7, 2025
ඕස්ට්රේලියාවේ විදේශ කටයුතු අමාත්ය පෙනී වොන්ග් විසින් ශ්රී ලංකාවේ මීළඟ මහකොමසාරිස්වරයා ලෙස මැතිව් ඩක්වර්ත් පත්කරන බව නිවේදනය කර ඇත.
ශක්තිමත් ප්රජා සම්බන්ධතා, දිගුකාලීන සංවර්ධන හවුල්කාරිත්වයක්, වර්ධනය වන වෙළඳ සහ ආයෝජන සබඳතා සහ සාමකාමී, ස්ථාවර සහ සමෘද්ධිමත් ඉන්දියානු සාගර කලාපයක් සඳහා හවුල් කැපවීමක් වෙනුවෙන්, ඊසානදිග ඉන්දියන් සාගරයේ ඕස්ට්රේලියාවේ ප්රධාන හවුල්කරුවකු ලෙස ඇය ශ්රී ලංකාව පිළිබඳ විස්තර කර ඇත
ඕස්ට්රේලියාව සහ ශ්රී ලංකාව අන්තර් ජාතික අපරාධ, සමුද්රීය ආරක්ෂාව සහ පුද්ගල ජාවාරම් ඇතුළු කලාපීය සහ ගෝලීය අභියෝග සම්බන්ධයෙන් සමීපව සහයෝගයෙන් කටයුතු කරයි.
160,000කට අධික ඕස්ට්රේලියාවේ සිටින ශ්රී ලාංකික ප්රජාව, එරට බහු සංස්කෘතික සමාජයට අගනා දායකත්වයක් ලබා දෙමින් ජනතාව අතර ශක්තිමත් සබඳතාවයක් පවත්වා ගෙන යන බව ද අමාත්ය වොන්ග් සඳහන් කර තිබේ.
ඩක්වර්ත් විදේශ කටයුතු සහ වෙළඳ දෙපාර්තමේන්තුවේ ජ්යෙෂ්ඨ වෘත්තීය නිලධාරියෙකි.
ඔහු මෑතකදී එක්සත් ජනපද වෙළඳ කාර්ය සාධක බලකායේ සහකාර ලේකම් සහ ඕස්ට්රේලියානු – යුරෝපා සංගම් නිදහස් වෙළඳ ගිවිසුම සඳහා නියෝජ්ය ප්රධාන සාකච්ඡාකරු ලෙස ද සේවය කළේය.
2022 වසරේ සිට ශ්රී ලංකාව තුළ ඕස්ට්රේලියාවේ අභිලාෂයන් ප්රවර්ධනය කිරීම සඳහා කළ සේවය සහ දායකත්වය වෙනුවෙන් අමාත්ය වොන්ග් සේවයෙන් ඉවත්ව යන මහකොමසාරිස් පෝල් ස්ටෙෆන්ස් වෙත ද ස්තූතිය පුදකර ඇත.
