මූලික කරුණු පහක් මුල්කර ගනිමින් එක්ව කටයුතු කිරීම සඳහා රජයේ වෛද්‍ය නිලධාරීන්ගේ සංගමය ඇතුළු සෞඛ්‍ය සේවයේ වෘත්තීය සමිති සන්ධානයක් ඇතිකරගෙන තිබෙන බව ‘අනිද්දා’ වෙබ් අඩවිය වාර්තා කරයි.

ඒ සඳහා සෞඛ්‍ය සේවයේ ඉහළ සිට පහළට ඇති වෛද්‍ය, පරිපූරක වෛද්‍ය, හෙද, කණිෂ්ඨ යන සියලුම සේවාවන්ට අයත් වෘත්තීය සමිති සම්බන්ධ වී ඇතත්, ජනතා විමුක්ති පෙරමුණට සම්බන්ධ වෘත්තීය සමිති සම්බන්ධ කරගෙන නැත.

එම මූලික කරුණු පහ තුළ රජයේ වෛද්‍ය සේවයේ පරීක්ෂණ කටයුතු රාජ්‍ය හා පෞද්ගලික හවුල්කාරිත්වය යටතේ වැඩි මිලක් යටතේ පෞද්ගලික අංශයට ලබාදීම සඳහා ගෙන ඇති තීරණය, පවුලේ වෛද්‍යවරයා යන සංකල්පය යටතේ සිදුකිරීමට යන ක්‍රියාවලිය හා රෝගී අයිතිවාසිකම් පිළිබඳ ප්‍රඥප්තියට සමගාමීව සෞඛ්‍ය සේවකයන්ගේ අයිතිවාසිකම් පිළිබඳ ප්‍රඥප්තිය යන ඒවා පවතින බව වාර්තාවේ.