ඉන්දියාවේ අදානි(Adani) සමූහය සහ එහි හවුල්කරුවන් එක්සත් ජනපද අරමුදල් ඩොලර් මිලියන 553ක ව්‍යාපෘතියක් අතහැර දමා තිබියදීත්, නියමිත කාලයට මාස කිහිපයකට පෙර කොළඹ ඩොලර් මිලියන 840 ක බහාලුම් පර්යන්තයක ධාරිතාව දෙගුණ කිරීමට සැලසුම් කර ඇති බව එහි හවුල්කරුවකු උපුටා දක්වමින් රොයිටර් පුවත් සේවය වාර්තා කරයි.

චයිනා මර්චන්ට් පෝට් හෝල්ඩිංග්ස් විසින් ක්‍රියාත්මක කරන ලද ගැඹුරු ජල පහසුකම් සහිත කොළඹ බටහිර අන්තර්ජාතික පර්යන්තය, ඉන්දියානු සාගර වෙළඳ මාර්ග සඳහා වන කලාපීය තරඟයේ දී උපායමාර්ගික ලෙස ක්‍රියාකරයි.

අදානි ව්‍යාපෘතියේ සම්පූර්ණ ස්වයංක්‍රීය පර්යන්තයේ පළමු අදියර අප්‍රේල් මාසයේදී විවෘත කරන ලද අතර දෙවැනි සහ අවසාන අදියර 2027 පෙබරවාරි මාසයේ මුල් කාලසීමාවට මාස තුන හතරකට පෙර 2026 අග වන විට අවසන් කිරීමට අපේක්ෂා කරන බව ජෝන් කීල්ස් හෝල්ඩිංග්ස් ප්‍රවාහන ප්‍රධානී සෆීර් හෂීම් රොයිටර් වෙත පවසා ඇත.

එම ව්‍යාපෘතිය අවසන් වූ පසු පර්යන්තයට වාර්ෂිකව බහාලුම් මිලියන 3.2 ක් හැසිරවීමට හැකියාව හිමිවනු ඇත.

රොයිටර් පුවත් සේවයට අනුව මෙම ව්‍යාපෘතියේ සියයට 51 ක කොටස් අදානි පෝර්ට්ස් මගින් ද, සියයට 34 ක් ජෝන් කීල්ස් ද, ඉතිරි කොටස් ශ්‍රී ලංකා වරාය අධිකාරිය සතුව පවතී.

ජෝන් කීල්ස් හෝල්ඩිංග්ස් ප්‍රවාහන ප්‍රධානී සෆීර් හෂීම් රොයිටර් පුවත් සේවයට පවසා ඇත්තේ, අදානි සමඟ වැඩ කරන විට, කරදර වීමට කිසිවක් නොමැති බව සහ ඔවුන් වැඩ කිරීමට ඉතා හොඳ හවුල්කරුවකු බවයි.