තායිලන්තයේ බැංකොක්හි ගුවන් තොටුපළකදී ශ්‍රීලන්කන් ගුවන් සේවයේ නිලධාරියකු සහ ගුවන් යානයක කපිතාන්වරයා අතර ගැටුමක් ඇති වී ඇති බව වාර්තා වේ.

ආරංචි මාර්ගවලට අනුව, මෙම සිද්ධියට සම්බන්ධ වී ඇත්තේ තායිලන්තයේ පදිංචි ගුවන් සේවයේ නිලධාරියකු සහ ශ්‍රීලන්කන් ගුවන් සේවයේ UL403 ගුවන් යානයේ කපිතාන්වරයාය.

ගුවන් යානය තුළ තහනම් ද්‍රව්‍ය ප්‍රවාහනය කිරීමට ගත් බවට සැක කෙරෙන උත්සාහයක් සම්බන්ධයෙන් ලැබුණු තොරතුරක් මත නිලධාරියා කටයුතු කරමින් සිටියදී මෙම ආරවුල ඇති වූ බව ආරංචි මාර්ග සඳහන් කළේය.

සිද්ධිය අතරතුර කපිතාන්වරයා විසින් නිලධාරියාට පහර දුන් බවට ආරංචි මාර්ග තවදුරටත් සඳහන් කළේය.

මෙම කාරණය සම්බන්ධයෙන් නීතිමය ක්‍රියාමාර්ග ගැනීමට නිලධාරියා අදහස් කරන බව පැවසේ.