ඉදිරි ජනාධිපතිවරණය සඳහා ශ්‍රී ලංකා පොදුජන පෙරමුණේ පොහොට්ටුව ලකුණ යටතේ අපේක්ෂකයකු ඉදිරිපත් කිරීමට එම පෙරමුණේ දේශපාලන මණ්ඩලය තීරණය කර තිබේ.

අද පැවති එම පෙරමුණේ දේශපාලන මණ්ඩල මණ්ඩල රැස්වීමෙන් අනතුරුව පක්ෂ මහ ලේකම් මහ ලේකම් සාගර කාරියවසම් මහතා මේ බව ප්‍රකාශ කළේය.

අදාළ තීරණයට එළඹ ඇත්තේ දේශපාලන මණ්ඩලය තුළ ඡන්ද විමසීමකින් අනතුරුවය.

ඒ අනුව පක්ෂය විසින් ඉදිරිපත් කරන අපේක්ෂකයා ඉදිරි දින කිහිපය තුළ ප්‍රකාශයට පත් කරන බව ද ඔහු සඳහන් කළේය.

ඔහු වැඩිදුරටත් පැවසුවේ පක්ෂය ගනු ලැබූ තීරණයට එරෙහිව කටයුතු කරන පිරිස සම්බන්ධයෙන් තීරණ ගැනීමට සූදානම් බවයි.

ශ්‍රී ලංකා පොදුජන පෙරමුණ මෙම තීරණයට පැමිණ තිබුණේ ජනාධිපති රනිල් වික්‍රමසිංහ ඉදිරි ජනාධිපතිවරණයේ දී සහාය දක්වන ලෙස එම පක්ෂයෙන් ඉල්ලා සිටි පසුබිමකය.