දේව අපහාසය සිදුකිරීමේ වරදකට සිරදඬුවම මරණ දඬුවම දක්වා වෙනස්කරන ලද ශ්‍රී ලාංකිකයකු වන අෙනෝජන් සිවරාසා නිදහස් කර ගැනීම හෝ ඔහුට හිමි දඬුවම ලිහිල් කර ගැනීම සඳහා ශ්‍රේෂ්ඨාධිකරණ අභියාචනය අවසන් කිරීමට නීතිඥයන් හමුවීමට අතිරේක සොලිසිටර් ජනරාල් ජනාධිපති නීතිඥ අසාද් නවාවිගේ ප්‍රධානත්වයෙන් යුත් සිව්දෙනකුගෙන් යුත් නියෝජිත පිරිසක් ලබන අඟහරුවාදා සෞදි අරාබිය බලා පිටත්ව යනු ඇත.

ජනාධිපති නීතිඥ ෆයිසර් මුස්තාෆා, ජනාධිපති නීතිඥ උපුල් කුමරප්පෙරුම සහ නීතිඥ හෆීල් ෆාරිස් යන සාමාජිකයන්ගෙන් සමන්විත මෙම නියෝජිත පිරිස, මෙම ගැටලුව සම්බන්ධයෙන් හොඳම විසඳුම ලබාගන්නේ කෙසේදැයි සොයාබැලීම සඳහා සෞදි බලධාරීන් හමුවීමට ද සැලසුම් කර ඇත.

නීතිඥ නවාවි ‘සන්ඩේ ටයිම්ස්’ පුවත්පතට පවසා ඇත්තේ, මෙම නඩුව මෙහෙයවන නීති ආයතන දෙකක නියෝජිතයන් හමුවී ශ්‍රේෂ්ඨාධිකරණ ක්‍රියාවලිය සඳහා වන ලේඛන අවසන් කිරීමට කටයුතු කරන බවයි.

විදේශ කටයුතු අමාත්‍යාංශය විසින් අදාළ නීති ආයතනවල සේවය ලබාගෙන තිබේ.

මේ අතරවාරයේදී, ජනාධිපති අනුර කුමාර දිසානායකගේ සමාවයැදීමේ අභියාචනයක්ද රැගෙන පාර්ලිමේන්තු නියෝජිත පිරිසක්ද සෞදි අරාබියේ සංචාරය කිරීමට නියමිතය.