කටුමැටි බිත්ති සහිත නිවසක් කඩාවැටීමෙන් එහි සිටි තරුණ කාන්තාවක් මරණයට පත්ව තවත් දෙදෙනෙක් තුවාල ලබා ඇත.

තුවාල ලැබූ දෙදෙනා පොළොන්නරුව මහා රෝහලට ප්‍රතිකාර සදහා ඇතුළත් කර තිබේ.

මියගිය තරුණිය කලුහැන්නැදිගේ රසිකා චමෝදනී නමැති 23 හැවිරිදි තැනැත්තියකි.

ඊයේ රාත්‍රී 09ට පමණ පැවැති අධික වර්ෂාව සහිත අයහපත් කාලගුණ තත්ත්වය හේතුවෙන් මෙම කටුමැටි නිවෙස කඩාවැටී ඇත.

තුවාල ලැබූ අනෙක් දෙදෙනා වන්නේ 25 හැවිරිදි මියගිය කාන්තාවගේ සැමියා සහ වසරක් වයසැති ඇගේ දියණිය යි.