යාපනය අන්තර්ජාතික ගුවන්තොටුපොළ ව්‍යාපාරික සැලැස්මක් සමඟ ක්‍රමයෙන් වැඩිදියුණු කරන බව ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක අද (20) පාර්ලිමේන්තුවේදී සහතික විය.

ඉලංකෙයි තමිල් අරසු කච්චි (ITAK) පාර්ලිමේන්තු මන්ත්‍රී එස්. ශ්‍රීධරන් විසින් මතුකරන ලද ප්‍රශ්නයකට පිළිතුරු දෙමින් අමාත්‍ය රත්නායක පැවසුවේ, ලබන වසරේ මැද භාගයට පෙර ගුවන්තොටුපළ ධාවන පථය දිගුකිරීමට බලාපොරොත්තු වන බවයි.

මගීන් 130ක් පමණ රැගෙන යා හැකි ගුවන් යානා ගොඩබෑමට පහසුකම් සැලසීම සඳහා ධාවන පථය පුළුල් කිරීමට බලාපොරොත්තු වන බව ඔහු පැවසීය.

මත්තල අන්තර්ජාතික ගුවන්තොටුපොළේ මෙන් විශාල පුළුල් බඳ සහිත ගුවන් යානා සඳහා ගුවන්තොටුපොළ පුළුල් කළ නොහැකි බැවින් එය කළ නොහැකි බව අමාත්‍යවරයා සඳහන් කළේය.

බණ්ඩාරනායක අන්තර්ජාතික ගුවන්තොටුපළ මගින් ලබාගන්නා ආදායම් විශාල ප්‍රමාණයක් භාවිත කරන මත්තල ගුවන්තොටුපොළ මෙන් නොව, යාපනය ගුවන්තොටුපොළ සාර්ථක ස්ථානයක් බවට පත්කිරීමට රජය පියවර ගන්නා බව ඔහු අවධාරණය කළේය.

අනාගතයේදී යාපනය ගුවන්තොටුපළට ගුවන් සමාගම් ආකර්ෂණය කරගැනීම සඳහා ගුවන් ගමන් ගාස්තුව තවදුරටත් අඩුකිරීම පිළිබඳව ද රජය සලකා බලන බවද අමාත්‍යවරයා සඳහන් කළේය.