කෑගල්ල, ගලිගමුව ප්‍රදේශයේදී අද (21) අලුයම පෞද්ගලික බස් රථයක් සහ ශ්‍රී ලංකා ගමනාගමන මණ්ඩලයේ (ලංගම) බස් රථයක් එකිනෙක ගැටීමෙන් පුද්ගලයන් 20 කට වැඩි පිරිසක් තුවාල ලබා රෝහල්ගත කර ඇති බව පොලිසිය පවසයි.

වාර්තාවලට අනුව, කෑගල්ල පොලිස් කොට්ඨාශයේ බල ප්‍රදේශයට අයත් ගලිගමුව ප්‍රදේශයේදී කෑගල්ල සිට රත්නපුර දක්වා ධාවනය වූ පෞද්ගලික බස් රථයක් සහ වේරගොඩ සිට කෑගල්ල දක්වා ධාවනය වූ ලංගම බස් රථයක් ගැටී ඇත.

මෙම සිදුවීම අලුයම 5:00 ට පමණ සිදු වූ බව පොලිසිය පැවසීය.

බස් රථ දෙකෙහිම මගීන් 21 දෙනකු පමණ තුවාල ලබා කෑගල්ල සහ වරකාපොල රෝහල්වලට ඇතුළත් කර ඇති බව පොලිසිය පවසයි.

සිද්ධිය සම්බන්ධයෙන් කෑගල්ල පොලිසිය පරීක්ෂණයක් ආරම්භ කර තිබේ.