July 20, 2025
‘නිදි කුමරා’ ලෙස හැඳින්වුණු අල් වලීඩ් බින් කලීඩ් බින් තලාල් අල් සවුද් කුමරු දශක දෙකකට වැඩි කාලයක් කෝමා තත්ත්වයේ සිටීමෙන් පසු මියගොස් තිබේ.
කම්පන සහගත මෝටර් රථ අනතුරකින් පසු ඔහු කෝමා තත්ත්වයට පත්ව සිටියේය.
1990 අප්රේල් මාසයේදී උපත ලැබූ අල් වලීඩ් කුමරු, ප්රමුඛ සෞදි රාජකීයයකු සහ බිලියනපති අල් වලීඩ් බින් තලාල් කුමරුගේ බෑණනුවන් වූ කලීඩ් බින් තලාල් අල් සවුද් කුමරුගේ වැඩිමහල් පුත්රයා විය.
වයස අවුරුදු 15 දී, ලන්ඩනයේ හමුදා කැඩෙට් නිලධාරියකු ලෙස ඉගෙනුම ලබමින් සිටියදී, ඔහු 2005 දී මොළයට දරුණු තුවාල සහ අභ්යන්තර රුධිර වහනයක් ඇති කළ විනාශකාරී මාර්ග අනතුරකට ලක් විය.
හදිසි වෛද්ය ප්රතිකාර සහ විශේෂිත අමෙරිකානු සහ ස්පාඤ්ඤ වෛද්යවරුන්ගේ සහභාගීත්වය ඇතිව ප්රතිකාර කළ ද ඔහු කිසි විටෙකත් සම්පූර්ණ සිහිය ලබා ගත්තේ නැත.
වසර 20කට වැඩි කාලයක්, අල් වලීඩ් කුමරු බොහෝ දුරට ප්රතිචාර නොදක්වන කෝමා තත්ත්වයක සිටි නමුත් ඉඳහිට සිදුවන ස්වේච්ඡා චලනයන් බලාපොරොත්තුවක් ලබා දුන්නේය.
ඔහුගේ පියා වන කලීඩ් කුමරු, සුවය පිළිබඳ ඔහුගේ විශ්වාසය ස්ථිරව තබා ගනිමින් ජීවිත ආධාරක ඉවත් කර ගැනීමේ යෝජනා ප්රසිද්ධියේ ප්රතික්ෂේප කළේය.
කුර්ආන් පාරායනයට කුමාරයා සුළු වශයෙන් ප්රතිචාර දක්වන ආකාරය දැක්වෙන වීඩියෝ පවුලේ අය විසින් නිකුත් කර තිබු අතර එය මහජනතාවගේ සංවේදනය සහ ප්රශංසාවට හේතු විය.
කුමාරයාගේ අභාවය පිළිබඳ පුවත රට පුරා පුළුල් ශෝකයක් ඇති කර තිබේ.
කෝමා තත්ත්වයේ සිටි කුමරුගේ රෝහල් කාමරය ආධ්යාත්මික සන්ධිස්ථානයක් බවට පත් වූ අතර, යාච්ඤා සහ සහයෝගය ලබා දෙන අමුත්තන් නිතර පැමිණ තිබිණි.
