July 8, 2025
භාතිය ඇතාගේ ජීවිතය අවදානමක පවතින බව ඇතා බේරා ගැනීමට පොරබදමින් සිටින වනජීවී සංරක්ෂක කණ්ඩායම ප්රකාශ කර තිබේ.
පොල්පිතිගම මඩ සහිත ඉඩමක දින කිහිපයක් තිස්සේ අසාධ්ය තත්ත්වයේ වැතිර සිටින ඇතාට ප්රතිකාර ලබා දීමට වනජීවී සංරක්ෂණ දෙපාර්තමේන්තුව පියවර ගෙන තිබේ.
නිලධාරීන් මඩ සහිත තටාකයෙන් ඇතා එසවීමට උත්සාහ කළ නමුත් එය සාර්ථක වූයේ නැත.
කෙසේවෙතත්, ඇතා පෝෂණය කිරීමේ සහ ප්රතිකාර ලබා දීමේ පහසුව සඳහා සත්වයා ටිකක් ඈතට ගෙන යෑමට ඔවුන්ට හැකි වී තිබේ.
රුධිරය සහ සෙම සාම්පල පිළිබඳ රසායනාගාර පරීක්ෂණ වාර්තා මත පදනම්ව භාතියට ප්රතිකාර ලබා දෙන බව වනජීවී නිලධාරීන් ප්රකාශ කර ඇත.
පේරාදෙණිය විශ්වවිද්යාලයේ පශු වෛද්ය මහාචාර්ය අශෝක දංගල්ල, පශු වෛද්ය තරිඳු විජේකෝන්, වනජීවී සංරක්ෂණ දෙපාර්තමේන්තුවේ පශු වෛද්ය අංශයේ අධ්යක්ෂ වෛද්ය තාරක ප්රසාද්, නිකවැරටිය වනජීවී කලාපයේ වනජීවී පශු වෛද්ය වෛද්ය ඉසුරු හේවාකොටගේ ඇතුළු වෛද්ය විශේෂඥ කණ්ඩායමක් මහව කලාපයේ වනජීවී අඩවි සහකාර නිලධාරියාගේ සහ හමුදාවේ සහාය ඇතිව භාතියට ප්රතිකාර ලබා දෙති.
මේ අතර, පරිසර අමාත්ය ධම්මික පටබැඳි සහ නියෝජ්ය අමාත්ය ඇන්ටන් ජයකොඩි ද සිද්ධිය වූ ස්ථානයට පැමිණ ඇතාගේ තත්ත්වය සහ දැනට සිදුකෙරෙන ප්රතිකාර පිළිබඳව සොයා බැලූහ.
