විදේශ රැකියා අවස්ථා ලබාදෙන බවට පොරොන්දු වෙමින් පුද්ගලයන් 150 දෙනකුගෙන් පමණ රුපියල් මිලියන 50 කට ආසන්න මුදලක් වංචා කළ බවට චෝදනා කරමින් කොළඹ මධ්‍යම පොලිස් අපරාධ ඒකකයට කරන ලද පැමිණිලි කිහිපයකින් පසුව දෙහිවල පදිංචි 37 හැවිරිදි පුද්ගලයෙකු අත්අඩංගුවට ගෙන තිබේ.

ජුනි 24 වැනි දින සවස කිරුළපන පොලිස් කොට්ඨාශයේ දී අත්අඩංගුවට ගැනීම සිදු වූ අතර, වැඩිදුර විමර්ශන සඳහා සැකකරු කොම්පඤ්ඤවීදිය පොලිසියට භාර දී තිබේ.