එක්සත් රාජධානියේ පිහිටි ගම්මානයක් වන උතුරු යෝක්ෂයර් හි බ්‍රොටන් ගම්මානයේ සුදු ජාතිකයන් නොවන අය ලෙස ශ්‍රී ලාංකිකයන් දෙදෙනෙකු වාර්තා වන බව ඩේලි මේල් වාර්තා කරයි.

එය මුළු රටේම අවම වාර්ගික මිශ්‍රණය ලෙස වාර්තා වී තිබේ.

පසුගිය සංගණනයේ නිල දත්තවලින් හෙළි වන්නේ, උතුරු යෝක්ෂයර් ගම්මානයේ මෙම ප්‍රදේශයේ වාර්තා වී ඇති පුද්ගලයන් 1108 දෙනාගෙන් දෙදෙනෙකු හැර අනෙක් සියල්ලන්ම ඉංග්‍රීසි, වේල්ස්, ස්කොට්ලන්ත, උතුරු අයර්ලන්ත හෝ බ්‍රිතාන්‍ය සුදු ජාතිකයන් ලෙස හඳුනාගෙන ඇති බවයි.

මෑතකදී පැමිණ ඇති මිතුරන් වන සෑම් රුත්‍රන් සහ මූහනස්ලාන් ෂම්බාසිවන්, දැන් ගමේ කඩය සහ තැපැල් කාර්යාලය පවත්වාගෙන යන අතර, ඔවුන් බ්‍රොටන් හි මෙතෙක් පැවති අද්විතීය සමාජ සැකැස්ම වෙනස් කර ඇති බව පෙනේ.

‘ගමේ සිටින එකම සුදු ජාතික නොවන තැනැත්තා’ වීම සෑම් සහ මූහනසියන්ට අනුව හොඳය.

සිවිල් යුද්ධය නිසා ඔවුන්ට තම මව්බිම හැර යෑමට සිදු වූ බව ඔවුන් ප්‍රකාශ කර තිබේ.

ශ්‍රී ලාංකිකයන් දෙදෙනා පවසන්නේ ඔවුන් මෙම පැරණි පතල් ගම්මානයට ආකර්ෂණය වූයේ එහි සාපේක්ෂව පහළ මට්ටමේ කුලී නිසා බවයි.

‘ඩාර්ට්ෆර්ඩ් හි නිදන කාමර තුනක නිවසකට අපගේ කුලිය පවුම් 1,200ක් වුණා, මෙහි එය පවුම් 600යි.’ ඔහු පෙන්වා දුන්නේය.

ඔවුන් පැමිණි විට ප්‍රදේශවාසීන්ගෙන් උණුසුම් පිළිගැනීමක් ලැබී තිබේ.

ගමේ කඩය පවත්වාගෙන යන 36 හැවිරිදි සෑම් පවසන්නේ ගම්මානයේ සුදු ජාතිකයන් නොවන බොහෝ දෙනෙක් නොමැති වුවත් එය කිසි විටෙකත් ගැටලුවක් වී නැති බවයි.

“මෙහි ජනතාව හොඳයි, සුන්දර නිහඬ ප්‍රදේශයක්. ඉඳහිට අප්‍රසන්න අදහස් දැක්වීම් තිබුණා, නමුත් ඒ ඉතා සුළු පිරිසකින් පමණයි.” යනුවෙන් ඔහු සඳහන් කරයි.

සෑම්ගේ මිතුරකු වන 39 හැවිරිදි මූහනස්ලාන්, වසර හතරකට ආසන්න කාලයක් බ්‍රොටන් හි තැපැල් කාර්යාලය භාරව සිට ඇත.

“ඒක මිත්‍රශීලී තැනක්, අපිත් ප්‍රජාවේ කොටසක් කියලා මට දැනෙනවා, නමුත් කවදා හරි ලොකු නගරයකට යන්න මම බලාපොරොත්තු වෙනවා. බ්‍රොටන් නගරයේ සමාජීය ගැටලු කිහිපයක් තියෙනවා, බොහෝ දෙනෙක් රැකියා විරහිතයි, අඩු ආදායම්ලාභීන් ” යැයි ඔහු පවසයි.

මූහනස්ලාන් තවදුරටත් මෙසේ පැවසීය: ‘සති දෙකක් මිනිස්සු ඇවිත් සල්ලි වියදම් කරලා කඩෙන් බදු ගන්නවා, ඊට පස්සේ ඊළඟ සති දෙක තුළ සල්ලි ඉවර වෙන නිසා නිහඬයි.’