June 11, 2025
මෙරට සිටින විදේශිකයන්ගේ ආරක්ෂාවට එල්ල වන ඕනෑම තර්ජනයක් ඇගයීමට ලක්කරන බවත්, ඒ අනුව සුදුසු ආරක්ෂක පියවර ක්රියාත්මක කරන බවත් පොලිසිය පවසයි.
වාර්තා වූ තර්ජනවලට ප්රතිචාර වශයෙන්, ඊශ්රායල පදිංචිකරුවන්ට සහ සංචාරකයන්ට ආගමික කටයුතුවල යෙදීමට, විවේක ගැනීමට සහ ආහාර පාන ලබා ගැනීමට ශ්රී ලංකාවේ විවිධ ප්රදේශවල පිහිටුවා ඇති චබාද් නිවාස (යුදෙව් ප්රජා මධ්යස්ථාන) සඳහා පොලිසිය පැය 24 පුරාම ආරක්ෂාව යොදවා ඇත.
මීට පෙර, ගාසා ගැටුම පුපුරා යෑමෙන් පසුව සහ ජනප්රිය සංචාරක ප්රදේශවලට ඇති විය හැකි තර්ජන පිළිබඳ අනතුරු ඇඟවීම්වලින් පසුව, ශ්රී ලංකා පොලිසිය මෙම මධ්යස්ථානවල ආරක්ෂාව තර කළේය.
ආරුගම් බොක්කෙහි සර්ෆර්ස් ඇතුළු ඊශ්රායල සංචාරකයන් ද වැඩි ආරක්ෂාවක් යටතේ තබා ඇත.
පසුගිය සඳුදා කොළඹ චබාද් නිවසක් ඉදිරිපිට නිහඬ විරෝධතාවක් පැවැත්වූ විරෝධතාකරුවන් පිරිසක් පොලිසිය විසුරුවා හැරියේය.
වීසා කාලය ඉක්මවා රැඳී සිටින සහ සංචාරක ප්රදේශවල අනවසර ව්යාපාරික කටයුතුවල නියැලෙන ඊශ්රායල ජාතිකයන්ට එරෙහිව ක්රියා කරන ලෙස එම විරෝධතාකරුවෝ ශ්රී ලංකා රජයෙන් ඉල්ලා සිටියහ.
මෙම ක්රියාකාරකම් දේශීය ප්රජාවන්ට අහිතකර ලෙස බලපාන බව ඔවුහු කියා සිටියහ.
