මෙම වසරේ පෙබරවාරි මාසයේ සිට වාහන ආනයන ඉහළ යෑමෙන් පසුව, වාහන නිෂ්කාශනයේ ප්‍රමාදයන් පිළිබඳ මෑත කාලීන ගැටළු විසඳීම සඳහා හම්බන්තොට අන්තර්ජාතික වරාය සමූහය පුළුල් ක්‍රියාවලීන් මාලාවක් දියත් කර ඇත.

මෑත කාලසීමාවේදී භාවිතා කළ සහ අලුත් වාහන 9,151කට වඩා වැඩි සංඛ්‍යාවක් වරාය හරහා රටට ඇතුළු වී ඇති අතර, එය වරාය මෙහෙයුම් කෙරෙහි විශාල පීඩනයක් ඇතිකරන බව පෙන්වාදෙයි.

ඒ සඳහා ප්‍රතිචාර වශයෙන්, හම්බන්තොට අන්තර්ජාතික වරාය සමූහය නිෂ්කාශන ක්‍රියාවලිය විධිමත් කිරීම අරමුණු කරගත් පද්ධති මෙන්ම ක්‍රියාපටිපාටි වැඩිදියුණු කිරීමක් ක්‍රියාත්මක කර ඇත.

ඒ අතුරින් ප්‍රධාන වැඩිදියුණු කිරීමක් වන්නේ, අභ්‍යන්තර වරාය ගෙවීම්වලින් රේගු නිෂ්කාශනය ඉවත් කිරීමයි.

එමඟින් වරාය ආශ්‍රිත ගෙවීම් අවසන්වීමට පෙර පවා වාහන වරායෙන් මුදාහැරීමට සහ පසු රේගු පරීක්ෂණ කටයුතු සිදුකිරීමට ඉඩ සලසයි.

මෙම සමාන්තර සැකසුම් මඟින් බාධක සැළකිව යුතු ලෙස අඩුකරනු ඇතැයි අපේක්ෂා කෙරේ.

නව ක්‍රමය යටතේ රේගු විධිවිධාන සපුරා ඇත්නම්, සම්පූර්ණ ලියකියවිලි ඉදිරිපත් කිරීමෙන් පැය 24ක් ඇතුළත වාහන නිෂ්කාශනය කළ හැකිය.

මෙයට සහාය වීම සඳහා, එහි ලේඛන මධ්‍යස්ථානයේ සතියේ දිනවල රාත්‍රී 8:30 දක්වා සහ සෙනසුරාදා දිනවල ප.ව. 1:00 දක්වා ද, එහි පාරිභෝගික සේවා අංශය සතියේ දිනවල ප.ව. 10:00 දක්වා ද මෙහෙයුම් වේලාවන් දීර්ඝ කර ඇති අතර, එමඟින් ආනයනකරුවන් වාප්පු ලිපිකරුවන්ට ලිපි ලේඛන සහ ගෙවීම් සම්පූර්ණ කිරීමට වැඩි කාලයක් ලබා දී ඇත.

මීට අමතරව, වරාය දින 10ක ප්‍රමාද ගාස්තු රහිත සහන කාලයක් ලබාදෙන අතර, එමඟින් ආනයනකරුවන් මත එල්ලවන මූල්‍ය පීඩනය ලිහිල් වේ. ගාස්තු අදාළ වන්නේ 11 වැනි දින සිට පමණි.

වරාය පරිශ්‍රය සම්පූර්ණ පැය 24 පුරා CCTV අධීක්ෂණය ක්‍රියාවලියකින් ද, වාහන හැසිරවීම ඉතා ආරක්ෂිතව පවත්වාගැනීම ද, ජංගම සහ මුරසංචාර ද, අංගනයේ සිට වෙළඳපොළට පහසුකම් සැලසීම සඳහා වාහන සැකසුම් ස්ථාන ඇතුළු යටිතල පහසුකම් සැපයීම සිදුකරනු ලබයි.

වාප්පු ලිපිකරුවන් සහ රියදුරන් සඳහා මූලික පහසුකම් සහිත නම් කරන ලද රැඳීසිටින ප්‍රදේශද ස්ථාපිත කර ඇත.