කොළඹ මහනගර සභාවේ ශ්‍රී ලංකා පොදුජන එක්සත් පෙරමුණ විසින් ලබාගත් එකම ආසනය සඳහා දීපා එදිරිසිංහගේ නම යෝජනා වී ඇති බව ජනමාධ්‍ය වාර්තා කරයි.

දීපා එදිරිසිංහ දැනට කොළඹ-බටහිර කොට්ඨාශය සඳහා එම පක්ෂයේ සංවිධායක ලෙස කටයුතු කරයි.

කෙසේවෙතත්, ඇයව නගර සභා ආසනයට නම් කිරීමට පක්ෂය තුළ සිටින සමහර කණ්ඩායම් විරුද්ධ වී ඇති බව වාර්තා වේ.

මේ සම්බන්ධයෙන් ලිපියක් පක්ෂ සාමාජිකයන් විසින් ශ්‍රී ලංකා නිදහස් පක්ෂයේ හිටපු සභාපති, හිටපු ජනාධිපති මෛත්‍රීපාල සිරිසේන වෙත ද ඉදිරිපත් කර ඇතැයි වාර්තා වැඩිදුරටත් සඳහන් කරයි.