April 28, 2025
පොලිස් ආරක්ෂාවක් භාවිත කරමින් උත්සවයකට පැමිණි උපකාරක පන්ති ගුරුවරිය සම්බන්ධයෙන් විමර්ශනය බස්නාහිර පළාතේ ජ්යෙෂ්ඨ නියෝජ්ය පොලිස්පති කාර්යාලය යටතේ සිදුවෙමින් පවතින බව වාර්තා වේ.
ප්රසිද්ධ උපකාරක පන්ති ගුරුවරියක වන හයේෂිකා ප්රනාන්දු, පොලිස් වාහනයක් සහ පොලිස් යතුරුපැදි හතරක් භාවිත කරමින් තම ඇකඩමියේ පෞද්ගලික ප්රසංගයකට ප්රවේශයක් ලබා ගත් ආකාරය පිළිබඳ වීඩියෝ සමාජ මාධ්යවල සංසරණය වීමත් සමඟ මතභේදයක් ඇති විය.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග පැහැදිලි කළේ පෞද්ගලික සිදුවීම් සඳහා පොලිස් ආරක්ෂාව සැපයිය හැකි වුවද, කිසිදු තත්ත්වයක් යටතේ පොලිස් ප්රභූ ආරක්ෂාවක් සඳහා අවසර නොමැති බවයි.
“ඇයගේ අයදුම්පතේ ඉදිරිපත් කළ සියලුම ලිපිවලින් පෙනී යන්නේ දරුවන් 8000ක් සහ උත්සවය සඳහා රැස්ව සිටි 35000ක ප්රේක්ෂක පිරිසක් සඳහා පොලිස් ආරක්ෂාව අවශ්ය බවයි,” යනුවෙන් ඔහු සඳහන් කළ අතර, ඉල්ලීම් ලිපිවල පොලිසිය කිසිදු ආකාරයකින් එලෙස භාවිත කිරීමට හේතු වූ කරුණු සඳහන් කර නොමැති බව ඔහු පැවසීය.
ප්රතිපත්තියක් ලෙස ශ්රී ලංකා පොලිසිය පෞද්ගලික සිදුවීම් සඳහා සපයන ආරක්ෂාව සඳහා අය කරයි.
“පාසලක් හෝ රාජ්ය ආයතනයක් මෙය ඉල්ලා සිටියේ නම්, අපි සපයන ආරක්ෂාව සඳහා අය කරන්නේ නැහැ” යනුවෙන් ඔහු පැවසීය.
අනුමත කරන ලද දේ සිදු නොකරන බව පෙනී යන්නේ නම් රාජකාරියේ යෙදී සිටින නිලධාරීන් ද ඒ බව හොඳින් දැන සිටිය යුතු බවත්, අවසාන මොහොතේ පවා ඉවත් විය යුතු බවත් ඔහු පැවසීය.
මීට සම්බන්ධ පාර්ශවයන්ට එරෙහිව ගන්නා ඕනෑම ක්රියාමාර්ගයක් පරීක්ෂණයෙන් හෙළිවන කරුණු මත මත රඳා පවතින බව ඔහු සඳහන් කරයි.
මේ සම්බන්ධයෙන් ප්රතිචාර දක්වා ඇති අදාළ ගුරුවරිය පවසා ඇත්තේ ඇගේ අභිප්රාය වුයේ ආරක්ෂාව සම්බන්ධ කරුණු බවයි.
ඇගේ ක්රියාවන් නීතියේ රාමුව තුළ සහ ඇයට ලබා දී ඇති අවසරයන් තුළ ඇති බව ද ඇය පවසයි.
