ස්වර්ගස්ථ වූ ශුද්ධෝත්තම පළමුවන ෆ්‍රැන්සිස් පාප් වහන්සේගේ අවමංගල්‍යය උත්සවය අප්‍රේල් 26 වනදා පැවැත්වෙන බවත් එම උත්සවය උදෑසන 10:00 ට ආරම්භ කෙරෙන බවත් වතිකානය නිවේදනය කර ඇත

ඒ අනුව ශුද්ධෝත්තම ෆ්‍රැන්සිස් පාප් වහන්සේගේ අවමංගල්‍ය උත්සවය ශාන්ත පීතර බැසිලිකාව ඉදිරිපිට එළිමහන් පරිශ්‍රයේදී සිදු කිරීමට නියමිතයි.

කාදිනල් විද්‍යාලයේ පීඨාධිපති Giovanni Battista Re විසින් දේව මෙහෙය මෙහෙයවනු ලැබේ.

අවමංගල්‍ය උත්සවය අවසානයේදී එම කාදිනල් හිමිපාණන් විසින් අවසාන ප්‍රශංසාව ලබා දෙනු ඇත.

ශුද්ධෝත්තම පළමුවන ෆ්‍රැන්සිස් පාප් වහන්සේගේ දේහය බදාදා උදෑසන 09:00 ට ශාන්ත පීතර බැසිලිකාවට රැගෙන යන බව ද වතිකානය නිවේදනය කර ඇත.

මහජනතාවට ගෞරව දැක්වීම සඳහා භූමදානය කරන තෙක් පාප් වහන්සේගේ දේහය එහි තැන්පත් කර තිබේ.

උන්වහන්සේගේ දේහය දැනට  12 වසරක පාප් පදවියේ සිටියදී දිවි ගෙවූ සැන්ටා මාර්තා දේවස්ථානයේ තැන්පත් කර ඇත.