අත්අඩංගුවට ගන්නා පුද්ගලයින් ඉක්මනින් ඇප මත මුදාහැරීම ගැන කිසිවකු කරදර විය යුතු නැති බව පවසමින් ජනාධිපති අනුර කුමාර දිසානායක පැවසුවේ, රජයේ අරමුණ සැකකරුවන් රිමාන්ඩ් බන්ධනාගාරයේ තබාගැනීම නොව ඔවුන්ට අධිචෝදනා ගොනුකර මහාධිකරණය හමුවේ නඩු පැවරීම බවයි.

ඊයේ හෝමාගම පැවති රැස්වීමකදී අදහස් දක්වමින් ඔහු පැවසුවේ, අධිචෝදනා ගොනුකිරීමෙන් පසු මහාධිකරණය හමුවේ නඩු පවරන ලෙස රජය අදාළ බලධාරීන්ට උපදෙස් දී ඇති බවයි.

“සමහර අය කියන්නේ අත්අඩංගුවට ගන්නා අයට ඉක්මනින් ඇප ලැබෙන බවයි. නීතිය කියන්නේ ඒකතමයි. විමර්ශන අදියරේදී විමර්ශකයන්ට සැකකරුවන් අධිකරණයට ඉදිරිපත් කර පරීක්ෂණ දිගටම කරගෙන යන්න පුළුවන්. නඩුවක් ගොනුකිරීමෙන් සැකකරුට දඬුවම් කළ හැකියි. සැකකරුවන් රිමාන්ඩ් භාරයේ තබාගැනීම නෙවෙයි ඔවුන්ට එරෙහිව මහාධිකරණය හමුවේ නඩු පැවරීමයි අපගේ අරමුණ. විමර්ශනවලට බාධා කරන්නේ නැත්නම් සහ පොදු දේපළ පනත යටතේ නඩුවක් නොවේ නෙවෙයි නම් සැකකරුවන් ඇප මත මුදාහරිවා” ඔහු පැවැසීය.