August 23, 2024
ජනාධිපති රනිල් වික්‍රමසිංහ සිය වත්කම් බැරකම් ප්‍රකාශ කර ඇත්තේ කූට ආකාරයෙන් බව පවසන ජාතික ජන බලවේගයේ දේශපාලන මණ්ඩල සභික සුනිල් හඳුන්නෙත්ති අද ප්‍රකාශ කළේ, අනුර කුමාර දිසානායක ජනාධිපති ධූරයට පත්වීමෙන් පසු රනිල් වික්‍රමසිංහගේ වත්කම් බැරකම් පිළිබඳව සොයාබැලිය යුතු බවයි.
ජනාධිපතිවරයා ප්‍රකාශ කරන වත්කම් බැරකම් ජනතාව විශ්වාස නොකරන බව ඔහු ප්‍රවෘත්ති සාකච්ඡාවකදී පැවසීය.
ජාතික ජන බලවේගයේ ජනාධිපති අපේක්ෂක අනුර කුමාර දිසානායක ප්‍රකාශ කළ වත්කම් බැරකම්වලට වඩා ජනාධිපතිවරයා ප්‍රකාශ කර ඇති වත්කම් බැරකම් ප්‍රමාණය අඩු බවට ඇසූ ප්‍රශ්නයකට පිළිතුරු දෙමින් ඔහු කියාසිටියේ, එය ජනතාව විශ්වාස නොකරනු ඇති බවයි.
“ජනාධිපතිවරයා ප්‍රකාශ කරන වත්කම් බැරකම්වලට වඩා ජනාධිපති අපේක්ෂක අනුර කුමාර දිසානායක ප්‍රකාශ කළ වත්කම් බැරකම්වලට වඩා අඩුයි කියලා ජනතාව විශ්වාස කරයි කියලා ඔබ හිතනවාද? රනිල් මෙතනදිත් රවට්ටලා. අනුර කුමාර දිසානායක ජනාධිපති වූ පසු පළමු කාර්යය ලෙස වික්‍රමසිංහ ප්‍රකාශ කළ වත්කම් බැරකම් නිවැරදිද යන්න සොයා බැලිය යුතුයි. මහ බැංකු බැඳුම්කර මගඩිය හරහා වංචා කළ මුදල් වෙනත් ගිණුම්වල තිබෙන්න පුළුවන්.” යැයි ඔහු වැඩිදුරටත් සඳහන් කළේය.
