July 3, 2024
ජනාධිපති රනිල් වික්රමසිංහ එක්සත් ජාතික පක්ෂයෙන් ඉල්ලා අස්වී ශ්රී ලංකා පොදුජන පෙරමුණට එක්වන්නේ නම්, ශ්රී ලංකා පොදුජන පෙරමුණ විසින් ඔහුව ජනාධිපති අපේක්ෂකත්වය සඳහා සළකා බැලිය හැකි බව ශ්රී ලංකා පොදුජන පෙරමුණේ මහලේකම් සාගර කාරියවසම් පවසයි.
ඔහු මේ බව ප්රකාශ කළේ, ශ්රී ලංකා පොදුජන පෙරමුණේ මූලස්ථානයේ පැවති සාකච්ඡාවකින් අනතුරුව ජනමාධ්ය වෙත අදහස් දක්වමිනි.
කාරියවසම් ප්රකාශ කළේ “ඊළඟ ජනාධිපතිවරණය සම්බන්ධයෙන් අපි තවම නිශ්චිත අපේක්ෂකයෙක් ඉදිරිපත් කර නැහැ. ‘පොහොට්ටුව’ ලකුණින් තරග කරන නිවැරදි අපේක්ෂකයා අපි සුදුසු අවස්ථාවේදී නම් කරනවා.”
රනිල් වික්රමසිංහ පොදු අපේක්ෂකයා විය හැකිදැයි ඇසූ විට කාරියවසම් පිළිතුරු දුන්නේ, “පොහොට්ටුව ලකුණින් ශ්රී ලංකා පොදුජන පෙරමුණේ අපේක්ෂකයෙක් ඉදිරිපත් කරනවා. රනිල් වික්රමසිංහ එජාපයෙන් ඉවත් වී අපේ පක්ෂයට ආවොත් අපි එතුමාගේ අපේක්ෂකත්වය ගැන සලකා බලනවා”.
