න්‍යෂ්ටික බලශක්ති උත්පාදනය නියාමනය කිරීම සඳහා රජය නීති සම්පාදනය කරමින් සිටින පසුබිමක සහ ශ්‍රී ලංකා පරමාණුක බලශක්ති මණ්ඩලය අනාගත ආයෝජකයන්ගෙන් උනන්දුව ප්‍රකාශ කිරීම සඳහා කැඳවීමට සූදානම් වන පසුබිමක, චීන ජාතික න්‍යෂ්ටික සංස්ථාවේ නියෝජිත පිරිසක් මෙරට න්‍යෂ්ටික බලාගාරයක් සඳහා ආයෝජනය කිරීම වෙනුවෙන් නුදුරේදීම ගවේෂණයක නිරතවීමට නියමිත බව වාර්තා වේ.

රට තුළ එවැනි බලාගාරයක් සඳහා යෝජනා ඉදිරිපත් කළ සංවිධාන අතර චීන ජාතික න්‍යෂ්ටික සංස්ථාව ද වේ.

රුසියාවේ Rosatom හැරුණු විට, ප්‍රංශයේ electricité de France (EDF) සහ ඩෙන්මාර්කයේ Seaborg විසින් ද යෝජනා ඉදිරිපත් කර ඇත.

කාබන් විමෝචනය අඩු කිරීමේ සැලැස්මේ දී, න්‍යෂ්ටික බලය ඇති කිරීමට රජය තීරණය කර ඇත.

මෑතකදී, අන්තර්ජාතික පරමාණුක බලශක්ති නියෝජිතායතනයේ විශේෂඥ කණ්ඩායම ශ්‍රී ලංකාවේ ප්‍රථම න්‍යෂ්ටික බලාගාරය ඉදිකිරීමට සුදුසු ස්ථාන හඳුනා ගැනීම සඳහා ශ්‍රී ලංකාවේ දින හතක ආරක්ෂක සමාලෝචනයක් ද අවසන් කරන ලදී.

නවතම ප්‍රගතිය පිළිබඳ අදහස් දක්වමින් ශ්‍රී ලංකා පරමාණුක බලශක්ති මණ්ඩලයේ මහාචාර්ය එස්.ආර්.ඩී. රෝසා පවසන්නේ න්‍යෂ්ටික බලශක්ති උත්පාදනය නියාමනය කිරීම සඳහා ශ්‍රී ලංකාවේ යෝජිත නීතියේ වෙනස්කම් සඳහා අන්තර්ජාතික පරමාණුක බලශක්ති නියෝජිතායතනය සමඟ සම්බන්ධ වීමට නීති විශේෂඥයන් කණ්ඩායමක් ඔස්ට්‍රියාවේ වියානා නුවර බලා පිටත්ව යෑමට නියමිත බවයි.

න්‍යෂ්ටික බලශක්ති පිරිවැය ජල විදුලියට වඩා අඩු වනු ඇතැයි අපේක්ෂා කර තිබේ.

Ultra Safe Nuclear Corporation of the US (USNC) සහ Canada’s Atomic Energy of Canada Ltd (AECL) ශ්‍රී ලංකාවේ ආයෝජනය කිරීමට උනන්දුවක් දක්වන සෙසු අය අතර වේ.

මීට පෙර රුසියාවේ Rosatom ද යෝජනා ඉදිරිපත් කර තිබිණි.

රුසියාව බංග්ලාදේශයේ සහ කල්පිටිය සිට කිලෝමීටර් 207ක් පමණ දුරින් පිහිටි ඉන්දියාවේ කූඩන්කුලම් හි න්‍යෂ්ටික බලාගාර දෙකක් ක්‍රියාත්මක කර ඇත.