ඉන්දීය අගමැති නරේන්ද්‍ර මෝදිගේ දිවුරුම් දීමේ උත්සවයට සහභාගී වීම සඳහා ජනාධිපති රනිල් වික්‍රමසිංහ අද පෙරවරුවේ නවදිල්ලි නුවර බලා පිටත්ව ගියේය.

දිවුරුම් දීමේ උත්සවය අද සවස පැවැත්වීමට නියමිතව තිබේ.

ජනාධිපතිවරයා මෙම උත්සවයට සහභාගී වන්නේ ඉන්දීය අගමැති නරේන්ද්‍ර මෝදිගේ ආරාධනයකට අනුවය.

අගමැති මෝදි මෙන්ම ඔහුගේ නව කැබිනට් මණ්ඩලයේ සාමාජිකයන් දිල්ලි රාෂ්ට්‍රපති භවන් හිදී අද දිවුරුම් දෙනු ඇත.

ඒ, සමග ඔහු ප්‍රබල ජවහර්ලාල් නේරුගෙන් පසු තෙවරක් අගමැති ධුරයට පත් වූ පළමු පුද්ගලයා වනු ඇත.

ජනාධිපති ද්‍රෞපදි මුර්මු ඉදිරියේ ඔහු දිවුරුම් දෙනු ලබන අවස්ථාව වෙනුවෙන් රාෂ්ට්‍රපති භවන්හි දැඩි ආරක්ෂාවක් යොදා තිබේ.

දිල්ලි පොලිසියේ විශේෂ ආයුධ සහ උපක්‍රමික භටයන් සහ ජාතික ආරක්ෂක කමාන්ඩෝ භටයන් එම ස්ථානයේ සහ අනෙකුත් උපාය මාර්ගික ස්ථාන වටා ආරක්ෂාව වෙනුවෙන් යොදවා ඇත.