ජනාධිපති රනිල් වික්‍රමසිංහ සහ ශ්‍රී ලංකා පොදුජන පෙරමුණ අතර මහ මැතිවරණයක් කැඳවීම සම්බන්ධයෙන් මතභේද පැවතියද, ශ්‍රී ලංකා විදුලිබල සංශෝධන පනත් කෙටුම්පතට ආණ්ඩු පක්ෂය ඡන්දය ප්‍රකාශ කිරීමත් සමඟ සමස්ත දේශපාලන උපායමාර්ගය පිළිබඳ එකඟතාවක් මතුවෙමින් පවතින බව පෙනෙන්නට තිබේ.

එළැඹෙන ජනාධිපතිවරණයේදී රනිල් වික්‍රමසිංහගේ අපේක්ෂකත්වය නිල වශයෙන් අනුමත කිරීම ශ්‍රී ලංකා පොදුජන පෙරමුණ විසින් මෙතෙක් ප්‍රතික්ෂේප කර ඇතත් සාමාජිකයන් කිහිප දෙනෙකු එක්සත් ජාතික පක්ෂ නායකයාට ප්‍රසිද්ධියේ සහය පළ කර ඇත.

රජයේ පෞද්ගලීකරණයට සහ ප්‍රතිව්‍යුහගත කිරීමේ සැලැස්මට විරුද්ධ බව ශ්‍රී ලංකා පොදුජන පෙරමුණේ නායක මහින්ද රාජපක්ෂ ප්‍රසිද්ධියේ ප්‍රකාශ කර තිබියදීත් ඔහු ඔහුගේ වැඩිමහල් සොහොයුරු චමල් රාජපක්ෂ, ඔහුගේ පුත් ශෂේන්ද්‍ර රාජපක්ෂ සහ ශ්‍රී ලංකා පොදුජන පෙරමුණ රජයට සහය දීමෙන් ඉවත්වන බවට අනතුරු ඇඟවූ මහලේකම් සාගර කාරියවසම් සමග පනතට පක්ෂව ඡන්දය ප්‍රකාශ කර තිබිණි.

කෙසේවෙතත්, ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රී නාමල් රාජපක්ෂ ඡන්දය දීමෙන් වැළකී සිටියේය.

ඡන්දය ප්‍රකාශ කරන අවස්ථාවේදී නොසිටි ශ්‍රී ලංකා පොදුජන පෙරමුණේ මන්ත්‍රීවරුන් 10 දෙනා අතර නාමල් රාජපක්ෂ ද විය.

විවාදයේදී ජාතික ජන බලවේගයේ මන්ත්‍රී විජිත හේරත් ප්‍රකාශ කළේ අදානිවරුන්ට පාර කැපීම සඳහා පනත් කෙටුම්පත සම්මත කළ බවයි.

මෙම පනත් කෙටුම්පත සමස්තයක් ලෙස ආණ්ඩුක්‍රම ව්‍යවස්ථාවේ 12(1) ව්‍යවස්ථාවට පටහැනි බවත් 84 (2) ව්‍යවස්ථාව යටතේ අවශ්‍ය පාර්ලිමේන්තුවේ විශේෂ බහුතරයෙන් පමණක් සම්මත විය යුතු බවත් ශ්‍රේෂ්ඨාධිකරණය තීරණය කළේය.

කෙසේවෙතත් 1(2) සහ 1(3) වගන්තිය සංශෝධනය කළහොත් මෙම නොගැළපීම නතර වන බව ශ්‍රේෂ්ඨාධිකරණය ප්‍රකාශ කර තිබිණි.

මේ වසර අගදී පැවැත්වෙන ජනාධිපතිවරණය අවසන් වන තුරු ආණ්ඩුවේ පෞද්ගලීකරණ සහ ප්‍රතිව්‍යුහගත කිරීමේ වැඩපිළිවෙළ නැවැත්විය යුතු බවට හිටපු ජනාධිපති මහින්ද රාජපක්ෂ මැයි 12 වැනිදා ප්‍රකාශ කළ පසුබිමට එරෙහිව ශ්‍රී ලංකා පොදුජන පෙරමුණේ ස්ථාවරය පුදුම සහගත වී තිබේ.

පනත් කෙටුම්පතට පක්ෂව ඡන්දය ප්‍රකාශ කළ මන්ත්‍රීවරුන් මෙසේයි;

අගමැති දිනේෂ් ගුණවර්ධන, සභානායක සුසිල් ප්‍රේම්ජයන්ත, බන්දුල ගුණවර්ධන, විජයදාස රාජපක්ෂ, ගාමිණී ලොකුගේ, රියර් අද්මිරාල් (විශ්‍රාමික) සරත් වීරසේකර, මේජර් (විශ්‍රාමික) ප්‍රදීප් උඳුගොඩ, ප්‍රේමනාත් සී.දොළවත්ත , මධුර විතානගේ, නලින් ප්‍රනාන්දු, ලසන්ත අලගියවන්න, ඒ.එච්.එම්. ෆවුසි (SJB), ඉන්දික අනුරුද්ධ, සිසිර ජයකොඩි, ප්‍රසන්න රණවීර, නිමල් ලාන්සා, කෝකිලා හර්ෂනී ගුණවර්ධන, මිලාන් ජයතිලක, උපුල් මහේන්ද්‍ර රාජපක්ෂ, සහන් ප්‍රදීප් විතාන, විදුර වික්‍රමනායක, පියල් නිශාන්ත ද සිල්වා, ප්‍රදීප් නිශාන්ත ද සිල්වා, අනූප පැස්කුවල්, ඊ. වර්ණකුමාර මංජු, දිලුම් අමුණුගම, ලොහාන් රත්වත්තේ, අනුරාධ ජයරත්න, මහින්දානන්ද අලුත්ගමගේ, ප්‍රමිත බණ්ඩාර තෙන්නකෝන්, රෝහණ දිසානායක, ජනක බණ්ඩාර තෙන්නකෝන්, නාලක බණ්ඩාර කෝට්ටේගොඩ, ජීවන් තොණ්ඩමන්, එස්.බී. දිසානායක, සී බී රත්නායක, එම් රාමේෂ්වරම්, රමේෂ් පතිරණ, මනූෂ නානායක්කාර, මොහාන් ද සිල්වා, ගීතා කුමාරසිංහ, සම්පත් අතුකෝරළ, ඉසුරු දොඩංගොඩ, කාංචන විජේසේකර, ඩී.වී. චානක, අජිත් රාජපක්ෂ, චමල් රාජපක්ෂ, ඩග්ලස් දේවානන්ද, කාදර් මස්තාන්, සීවනේසතුරෙයි චන්ද්‍රකාන්තන්, විමලවීර දිසානායක, එස්.එම්.එම්. මුෂාරෆ්, ඩී වීරසිංහ, කපිල නුවන් අතුකෝරළ, මහින්ද රාජපක්ෂ, ඩී.බී.හේරත්, ශාන්ත බණ්ඩාර, ජොන්ස්ටන් ප්‍රනාන්දු, යූ.කේ. සුමිත් උඩුකුඹුර, සමන්ප්‍රිය හේරත්, අනුර ප්‍රියදර්ශන යාපා, අශෝක ප්‍රියන්ත, ප්‍රියංකර ජයරත්න, අලි සබ්‍රි රහීම්, එස්.එම්. චන්ද්‍රසේන, එස්.සී.මුතුකුමාරණ, එම්.ජී.වීරසේන, සිරිපාල ගම්ලත්, ජගත් සමරවික්‍රම, නිමල් සිරිපාල ද සිල්වා, තේනුක විදානගමගේ, ඒ.අරවින්ද කුමාර, ජානක තිස්සකුට්ටිආරච්චි, මේජර් (විශ්‍රාමික) සුදර්ශන දෙනිපිටිය, වෛද්‍ය ගයාෂාන් නවනන්දන, විජිත බොරලුගොඩ , පවිත්‍රාදේවි වන්නිආරච්චි, ජානක වක්කුඹුර, ප්‍රේමලාල් ජයසේකර, ජෝන් සෙනෙවිරත්න, අකිල සාලිය එල්ලාවෙල, මුදිතා ප්‍රිශාන්ති, රංජිත් සියඹලාපිටිය, කනක හේරත්, තාරක බාලසූරිය, සුදත් මංජුල, රජිකා වික්‍රමසිංහ, අලි සබ්‍රි, ටිරාන් අලස්, වෛද්‍ය සීතා අරඹේපොළ, සුරේන් රාඝවන්, ජයන්ත කැටගොඩ, සාගර කාරියවසම්, යදාමිණි ගුණවර්ධන, මංජුල දිසානායක, රංජිත් බණ්ඩාර, ජයන්ත වීරසිංහ සහ මොහොමඩ් ෆලීල් මර්ජන්.

පනත් කෙටුම්පතට ඡන්දය දුන් මන්ත්‍රීවරුන් 103 දෙනාගෙන් දෙදෙනෙක් සමගි ජන බලවේගය (මනූෂ නානායක්කාර සහ A.H.M. ෆවුසි) නියෝජනය කළහ.

උදයකාන්ත ගුණතිලක මහතා ඡන්දය විමසන අවස්ථාවේ පාර්ලිමේන්තුවේ සිටියද ඡන්දය ප්‍රකාශ කර නොතිබූ බව ආරංචි මාර්ග සඳහන් කරයි.

ජාතික ජන බලේගයේ පාර්ලිමේන්තු මන්ත්‍රීවරුන් තිදෙනා වන අනුර කුමාර දිසානායක, විජිත හේරත් සහ ආචාර්ය හරිනි අමරසූරිය පනත් කෙටුම්පතට විරුද්ධව ඡන්දය දුන් අතර, 10 දෙනෙකුගෙන් යුත් දෙමළ ජාතික සන්ධානය (TNA) ඡන්දය දීමෙන් වැළකී තිබිණි.

පසුගිය මහ මැතිවරණයේදී ශ්‍රී ලංකා පොදුජන පෙරමුණෙන් තේරී පත් වූ මන්ත්‍රීවරුන් 20 දෙනෙකු සමගි ජන බලවේගයේ මන්ත්‍රීවරුන් 36 දෙනෙකු සමඟ පනතට විරුද්ධව ඡන්දය ප්‍රකාශ කළහ.

පසුගිය මහ මැතිවරණයේදී සමගි ජන බලවේගය ආසන 54ක් දිනා ගත්තේය.

හිටපු ජනාධිපති මෛත්‍රීපාල සිරිසේන ඡන්දය දීමෙන් වැළකී සිටි අතර අනෙකුත් ශ්‍රීලනිප මන්ත්‍රීවරු පනත් කෙටුම්පතට පක්ෂව ඡන්දය දුන්හ.

ශ්‍රීලනිපයේ කන්ඩායම් දෙකට නායකත්වය දෙන විජයදාස රාජපක්ෂ සහ නිමල් සිරිපාල ද සිල්වා ද ඔවුන්ට ඇතුළත් විය.

ආරංචි මාර්ග සඳහන් කළේ පනත් කෙටුම්පතට ශ්‍රී ලංකා පොදුජන පෙරමුණේ සහාය දීමෙන් අදහස් කළේ පෞද්ගලීකරණයට සහ ප්‍රතිව්‍යුහගත කිරීමට ඔවුන් දක්වන විරෝධය පිළිබඳ මැයි 12 ප්‍රකාශය අදාළ නොවන බවයි.

සමගි ජන බලවේගය විසින් ශ්‍රේෂ්ඨාධිකරණයේදී අභියෝගයට ලක් කරන ලද ආර්ථික පරිවර්තන පනත් කෙටුම්පතට (ETB) ද ශ්‍රී ලංකා පොදුජන පෙරමුණ සහය දැක්වීමට බොහෝ දුරට ඉඩ ඇති බව ද පෙනී යයි.

( The Island)