2024 තායිවාන විවෘත මලල ක්‍රීඩා උළෙලේ පිරිමි මීටර් 400 ඉසව්වේ රන් පදක්කම දිනාගැනීමට ශ්‍රී ලංකා කෙටි දුර ධාවන ශූර අරුණ දර්ශන සමත් විය.

දර්ශන සෙනසුරාදා (01) පැවැති අවසන් මහා තරගයේ ප්‍රථම ස්ථානයට හිමිකම් කීවේ තත්පර 45.82ක කාලයක් වාර්තා කරමිනි.

මේ අතර, 2024 තායිවාන විවෘත මලල ක්‍රීඩා උළෙලේදී ශ්‍රී ලංකාවේ තරුෂි කරුණාරත්න ද මීටර් 400 කාන්තා ඉසව්වේ රන් පදක්කම තත්පර 52.48කින් නිමකරමින් රන් පදක්කම දිනාගත්තාය.

තායිවාන මලල ක්‍රීඩා විවෘත යනු ලෝක මලල ක්‍රීඩා මහද්වීපික සංචාරයේ තීරණාත්මක ශ්‍රේණිගත කිරීම් සහිත ලෝකඩ මට්ටමේ තරඟාවලියකි.