මත්ස්‍ය අස්වැන්න අඩුවීම හේතුවෙන් කුකුළු මස් ඇතුළු මස් වර්ග සඳහා දේශීය වෙළෙඳපොළේ මිල ඉහළ ගොස් ඇති බව ජාතික පාරිභෝගික පෙරමුණ අනාවරණය කරයි.

මුහුද රළු වීම හේතුවෙන් මසුන් ඇල්ලීමෙන් වළකින ලෙස කාලගුණ විද්‍යා දෙපාර්තමේන්තුව ධීවරයින්ට දැනුම්දීම හේතුවෙන් මාළු මිල ඉහළ ගොස් තිබේ.

දිවයින වටා වන මුහුදු ප්‍රදේශ රළු ලෙස පවතිනු ඇතැයි අපේක්ෂා කරන අතර, නැවත දැනුම් දෙනතුරු ධීවර සහ නාවික ප්‍රජාවට ඉන් පිටතට නොයන ලෙසට උපදෙස් දී ඇත.

මේ නිසා දේශීය වෙළඳපොළේ මස් මිල අද දිනයේ රුපියල් 50කින් ඉහළ ගොස් ඇති බව ජාතික පාරිභෝගික පෙරමුණ සඳහන් කරයි.

ඒ අනුව, නාරාහේන්පිට ආර්ථික මධ්‍යස්ථානයේ කුකුළු මස් කිලෝවක තොග මිල රු. 1,080ක් ලෙස වාර්තා වී ඇත.

නාරාහේන්පිට ආර්ථික මධ්‍යස්ථානයේ විවිධ මස් වර්ග කිලෝවක සිල්ලර මිල පහත පරිදි වේ.

නැවුම් කුකුළු මස් – රුපියල් 1,200
කුකුල් මස් (සම රහිත) – රු.1,100
ශීත කළ කුකුල් මස් – රු.1100
කරි චිකන් – රු. 1,100 කි
Habbed – රුපියල් 1,400
Cut off – රු. 600
එළුමස් – රුපියල් 3,300
හරක් මස් – රුපියල් 2,500