මෙතෙක් පැවති මතභේද සියල්ල අවසන් කරමින් මුලින්ම ජනාධිපතිවරණය පැවැත්වෙන බවත් එය සැප්තැම්බර් 17 සහ ඔක්තෝබර් 16 අතර දිනක පැවැත්වෙනු ඇති බවත් රනිල් වික්‍රමසිංහ ජනාධිපතිවරයා පසුගිය බදාදා සිය ඇමැතිවරුන්ට ප්‍රකාශ කර තිබේ.

ඔහුගේ ප්‍රකාශයෙන් පැය කිහිපයක් ඇතුළත, විවිධ දිස්ත්‍රික්කවල තේරීම් භාර නිලධාරීන් ලෙස කටයුතු කරන දිස්ත්‍රික් ලේකම්වරුන්ට මැතිවරණ කොමිසම විසින් විධිවිධාන ආරම්භ කිරීමට අවසර ලබා දී තිබේ.

ඒ, ජනාධිපතිවරණයක් සඳහා මුදල් වෙන්කර ඇති බවට මහා භාණ්ඩාගාරය කොමිසමට දැනුම්දීමෙන් අනතුරුවය.

මෙම අරමුදල් ජනාධිපතිවරණය සඳහා පමණක් වන අතර අවශ්‍යතාව මත අදියර වශයෙන් ලබාදෙන බවද දැනුම් දී ඇත.

වෙනත් කිසිදු මැතිවරණයක් සඳහා මුදල් ලබා දී නොමැති බව මැතිවරණ කොමිසමේ සභාපතිවරයා පැහැදිලි කර ඇත.

මේ අනුව විවිධ අය තනි තනිව හෝ උනන්දුවක් දක්වන කණ්ඩායම් සමග වහාම පාර්ලිමේන්තු මැතිවරණයක් සඳහා කළ කෑගැසීම දැන් මැකී ගොස් ඇත.

ඊට හේතුව වන්නේ පාර්ලිමේන්තුව විසුරුවා හැරීමට ව්‍යවස්ථානුකූලව ජනාධිපතිවරයාට ඇති බලය දැන් සති ගණනාවක සිට තමන් සතුව ඇත්ත ජනාධිපති වික්‍රමසිංහට පළමුව අවශ්‍ය වන්නේ ජනාධිපතිවරණයක් වීමයි.

එය ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂගේ ඉල්ලීමක ප්‍රතිඵලයක් බව ඇත්තකි.

කෙසේවෙතත්, පසු සතිවලදී, ශ්‍රී ලංකා පොදුජන පෙරමුණේ නායක සහ හිටපු ජනාධිපති මහින්ද රාජපක්ෂ, තම පක්ෂය ජනාධිපතිවරණයකට හෝ පාර්ලිමේන්තු මැතිවරණයකට මුහුණ දීමට සූදානම් බව පැහැදිලි කළේය.