කොළඹ 13, ජම්පටා වීදියේ පිහිටි නිවසකදී 67 හැවිරිදි පුද්ගලයකු මුගුරකින් පහරදී ඝාතනය කර ඇති බව පොලීසිය පවසයි.

ඝාතනයට ලක්වූ පුද්ගලයා ඔහුගේ නිවසේ තනිව පදිංචිව සිට ඇති අතර ඔහු ජෙස්ටින් ප්‍රනාන්දු නැමති අයකු බවට හඳුනාගෙන ඇත.

පොලිසියට ලැබුණු තොරතුරකට අනුව ඔහුගේ නිවස තුළ තිබී තුවාල සහිත සිරුර සොයා ගෙන ඇත.

කිසියම් පුද්ගලයකු නිවසට ඇතුළු වී පොල්ලකින් පහරදී ඝාතනය කර ඇති බව ද පොලීසිය සඳහන් කළේය.