සිකුරාදා (මැයි 17) වන්කඩේ ක්‍රීඩාංගණයේදී ලක්නව් සුපර්ජයන්ට්ස් (LSG) කණ්ඩායමට එරෙහිව IPL වාරයේ 67 වැනි තරගයේදී මන්දගාමී වේගයක් පවත්වා ගැනීම හේතුවෙන් හාර්ඩික් පාණ්ඩ්‍යා (Hardik Pandya) හට එක් තරගයක තහනමක් පනවා තිබේ.

ලක්නව් සුපර්ජයන්ට්ස් එරෙහි තරගය මෙම වාරයේ මුම්බායි පිලේ අවසන් තරගය වූ බැවින්, මීළඟ වාරය ආරම්භයේදී හර්දික්ට මුම්බායි හි පළමු තරගය මග හැරෙනු ඇත.

IPL හි චර්යාධර්ම සංග්‍රහය යටතේ මෙම වාරයේ ඔහුගේ කණ්ඩායමේ තුන්වැනි වරද එය වූ බැවින්, පාණ්ඩ්‍යාට ඉන්දීය රුපියල් ලක්ෂ 30ක දඩයක් සහ කණ්ඩායමේ මීළඟ තරඟය ක්‍රීඩා කිරීම තහනම් කරන ලදී.

කණ්ඩායමේ සෙසු සාමාජිකයන්ටද තනි තනිව රුපියල් ලක්ෂ 12 ක් හෝ ඔවුන්ගේ තරඟ ගාස්තුවෙන් සියයට 50 ක දඩයක් නියම කර ඇත.