ශ්‍රී ලංකා වයස අවුරුදු 19න් පහළ කාන්තා කණ්ඩායම ඕස්ට්‍රේලියාව සහ එංගලන්තය සහභාගි වන තුන්කොන් තරගාවලියකට එක්බව ශ්‍රී ලංකා ක්‍රිකට් ආයතනය අද නිවේදනය කළේය.

ශ්‍රී ලංකා ක්‍රිකට් ආයතනයට අනුව, ශ්‍රී ලංකා 19න් පහළ කණ්ඩායම, 2024 මාර්තු සහ අප්‍රේල් මාසවලදී ශ්‍රී ලංකාව, ඔස්ට්‍රේලියාව සහ එංගලන්තය 19න් පහළ T20 සහ එක්දින තරඟ දෙකම ඇතුළත් තුන්කොන් තරඟාවලියක් ක්‍රීඩා කරනු ඇත.

තරඟ හම්බන්තොටදී සහගාල්ලේ දී පැවැත්වෙන අතර, තරඟාවලිය තුළ සෑම කණ්ඩායමක්ම T20 තරඟ 04ක් සහ පන්දුවාර 50 තරඟ 02ක් ක්‍රීඩා කිරීමට නියමිතය.

තරගාවලියේ ජයග්‍රාහකයා තරඟ ජයග්‍රහණ මත පදනම්ව සමස්ත ලකුණු අනුව තීරණය කරනු ලබන අතර, තරඟාවලියේ අවධානය යොමු වන්නේ 19න් පහළ කාන්තා ක්‍රිකට් ක්‍රීඩිකාවන් සඳහා වැදගත් තරඟ අවස්ථාවක් ලබාදීමයි.