පාස­ලට නොගැ­ළ­පෙන ආකා­ර­යෙන් කොණ්ඩය සකස් කර­ගෙන තිබීම සම්බ­න්ධ­යෙන් සිසු­ව­කුට කළ අව­වා­ද­යක් මුල් කර­ගෙන පාදුක්ක බෝපේ රාජ­සිංහ ජාතික පාසලේ ශිෂ්‍ය නාය­ක­ය­කුට පහර දුන් බව කියන එම පාස­ලේම ඉගෙ­නුම ලබන ශිෂ්‍ය­ය­කුගේ පියකු අත්අ­ඩං­ගු­වට ගත් බව පාදුක්ක පොලි­සිය පව­සයි.‍

පාස­ලට නොගැ­ළ­පෙන ආකා­ර­යට කොණ්ඩය සකස් කර­ගෙන පාසල් පැමිණ ඇති සිසුවා 11 ශ්‍රේණියේ ඉගෙ­නුම ලබන අයකු බව පොලි­සිය කියයි.

ශිෂ්‍ය නාය­කයා විසින් අව­වාද කිරී­මේදී දෙදෙනා අතර බහි­න්බස් වීමක්ද සිදුව ඇති බව විම­ර්ශ­න­යේදී පෙනීගොස් ඇත.

එම අව­ස්ථා­වේදී ශිෂ්‍ය නාය­කයා විසින් 11 ශ්‍රේණීයේ ඉගෙ­නුම ලබන සිසු­වාට පහර දී ඇති බව පොලි­සිය කියයි.

පහ­ර­කෑ­මට ලක්වූ සිසු­වාගේ පියා පාස­ලට පැමිණ ඇත්තේ ඒ සම්බ­න්ධ­යෙන් විම­සී­ම­ටය.

එහිදී ඇති වූ කතා­බ­හේදී සැක­කරු විසින් ශිෂ්‍ය නාය­ක­යාට පහර දී ඇතැයි පොලි­සිය කියයි.

ශිෂ්‍ය නායක සිසු­වා­ගෙන් පහර කෑමට ලක් වූ 11 ශ්‍රේණියේ ඉගෙ­නුම ලබන සිසුවා පාදුක්ක ප්‍රාදේ­ශීය රෝහ­ලට ඇතු­ළත්ව ප්‍රති­කාර ලබන අතර එම සිසු­වාගේ පියා­ගෙන් පහ­ර­කෑ­මට ලක්වූ ශිෂ්‍ය නායක සිසුවා හෝමා­ගම රෝහ­ලට ඇතු­ළත්ව ද ප්‍රති­කාර ගන්නා බව පොලි­සිය කියයි.(දිනමිණ)