ආණ්ඩුක්‍රම ව්‍යවස්ථා සභාවේ අනුමැතියකින් තොරව ජනාධිපති රනිල් වික්‍රමසිංහ විසින් දේශබන්දු තෙන්නකෝන් පොලිස්පතිවරයා ලෙස පත්කර ඇති බව විපක්ෂ නායක සජිත් ප්‍රේමදාස පවසයි.

“පොලිස්පතිවරයාගේ පත්වීම ව්‍යවස්ථා සභාව අනුමත කළේ නැහැ. පක්ෂව ඡන්ද 4 යි; එරෙහිව 2යි; වැළකී සිටීම 2යි. තීරණයක් සඳහා අවම වශයෙන් ඡන්ද 5 ක් අවශ්ය වේ. කථානායකවරයාට තීරනාත්මක ඡන්දයක් ඇත්තේ සම වූ විට පමණි. 4/2 යනු සමවීමක් නොවේ! දෙවැනි වරටත් ආණ්ඩුක්‍රම ව්‍යවස්ථාව අමු අමුවේ උල්ලංඝනය කරයි. ලැජ්ජයි කතානායකතුමා!” යැයි විපක්ෂ නායකවරයා ට්විටර් පණිවුඩයක් නිකුත් කරමින් සඳහන් කර ඇත.