සීප්පුකුලම ප්‍රදේශයේදී පෙර පාදයට වෙඩි වැදීමෙන් තුවාල ලබා සිටින වන අලියකු සඳහා සිව්වැනි වරටත් පශු වෛද්‍ය ප්‍රතිකාර ලබා දී තිබේ.

වනජීවී සංරක්ෂණ දෙපාර්තමේන්තුවට අනුව, තුවාල ලැබූ මෙම වන අලියාට බ්‍රහස්පතින්දා (05) වනජීවී නිලධාරීන් විසින් මෙලෙස ප්‍රතිකාර කර ඇත.

පඬුලගම පශු වෛද්‍ය ඒකකයේ වනජීවී පශු වෛද්‍ය උදේශිකා මධුවන්ති ඇතුළු වනජීවී නිලධාරීන් විසින් අලියාගේ සෞඛ්‍ය තත්ත්වය අඛණ්ඩව නිරීක්ෂණය කරමින් සිටින බව එම දෙපාර්තමේන්තුව පැවසීය.

සත්වයාගේ සෞඛ්‍ය තත්ත්වය සලකා බලමින් අවශ්‍ය පශු වෛද්‍ය ප්‍රතිකාර තවදුරටත් ලබා දීමට නිලධාරීන් කටයුතු කරනු ඇත.