හිටපු අධිකරණ අමාත්‍ය විජයදාස රාජපක්ෂගේ පුත්‍රයෙකු වන නීතිඥ රඛිත රාජපක්ෂ අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන ඇති බව දේශීය මාධ්‍ය වාර්තා කිහිපයක්ම සඳහන් කරයි.

දේශීය ජනමාධ්‍ය වාර්තාවලට අනුව, රඛිත රාජපක්ෂ සහ සමගි ජන බලවේගයේ හොරණ ආසන සංවිධායක චරිත් අබේසිංහද මෙලෙස අල්ලස් කොමිසම විසින් අත්අඩංගුවට ගෙන ඇත.

මෙම අත්අඩංගුවට ගැනීම් සංවිධානාත්මක අපරාධකරුවන් සමඟ පැවති බව කියන සබඳතාවලට අදාළව සිදුකර ඇති බවට ඇතැම් මාධ්‍ය ආයතන වාර්තා කර තිබේ.

කෙසේවෙතත්, මේ සම්බන්ධයෙන් එල්ල වී ඇති නිශ්චිත චෝදනා පිළිබඳ සවිස්තරාත්මක නිල තොරතුරක් අල්ලස් කොමිෂන් සභාව මෙතෙක් ප්‍රසිද්ධියට පත්කර නොමැත.