හංගේරියාවේ ඡන්දදායකයන් විසින් දිගු කලක් එරට අගමැතිව සිටි වික්ටර් ඕර්බන්ව වසර 16කට පසු බලයෙන් ඉවත් කර ඇත.

එය මෑතකාලීනව ගෝලීය බලපෑමක් ඇති කළ ප්‍රධාන මැතිවරණ ප්‍රතිඵලයකි.

ඔර්බන් ශක්තිමත් ජාතිකවාදී සහ ගතානුගතික ප්‍රතිපත්ති සඳහා ප්‍රසිද්ධය;.

ඔහුව, හංගේරියාව යුරෝපයට සමීප කර පුරවැසියන්ගේ දෛනික ජීවිතය වැඩිදියුණු කරන බවට පොරොන්දු වූ විපක්ෂ නායක පීටර් මැග්යාර් විසින් පරාජය කරන ලදී.

ප්‍රතිඵලවලින් පසු, ඕර්බන් පරාජය පිළිගෙන, එය “වේදනාකාරී” ප්‍රතිඵලයක් ලෙස හැඳින්වූ අතර, දැන් ඔහු විපක්ෂයේ සිට රටට සේවය කරන බව පැවසීය.

ඔර්බන්ගේ නායකත්වය තුළ දුර්වල වූ යුරෝපීය සංගමය සහ නේටෝ සමඟ සබඳතා නැවත ගොඩනඟා ගැනීමට පීටර් මැග්යාර් ප්‍රතිඥා දී තිබේ.

ඕර්බන්ට ඩොනල්ඩ් ට්‍රම්ප් සහ ව්ලැඩිමීර් පුටින් වැනි නායකයන් සමඟ සමීප සබඳතා තිබූ අතර, ගෝලීය අන්ත දක්ෂිණාංශික දේශපාලනයේ ප්‍රධාන චරිතයක් ලෙස සැලකේ.

ඡන්ද ගණන් කිරීමේ අවසන් අදියරේදී, මැග්යාර්ගේ පක්ෂය වන ටිසා ඡන්දවලින් 53% කට වඩා ලබා ගත් අතර, ඕර්බන්ගේ ෆිඩෙස් පක්ෂයට ලැබී තිබුණේ 37% ක ප්‍රතිශතයක් පමණකි.

කෙසේවෙතත්, ඔහුගේ පක්ෂයට තනිවම ප්‍රධාන නීතිමය වෙනස්කම් කිරීමට ප්‍රමාණවත් ආසන තිබේද යන්න තවමත් පැහැදිලි නැත.

හංගේරියාවේ දේශපාලන දිශාව වෙනස් කළ හැකි සහ යුරෝපීය කලාපය පුරා දේශපාලනයට බලපෑම් කළ හැකි මැග්යාර්ගේ ජයග්‍රහණය යුරෝපය පුරා නායකයින් පිළිගෙන තිබේ.