ආසියාවේ දැරිය නොහැකි නිවාස වෙළඳපොළ අතර ශ්‍රී ලංකාව දෙවැනි ස්ථානයට පත්ව ඇති බව ද ඉකොනොමිස්ට් හි නවතම වාර්තාවකින් කියැවේ.

වේගවත් නාගරීකරණය මිලියන ගණනක් ජනතාව ප්‍රධාන නාගරික මධ්‍යස්ථාන වෙත ඇද දමමින් සිටින බැවින් ආසියාව පුරා නගර දැරිය හැකි මට්ටමේ නිවාස හිඟයකට මුහුණ දී සිටින බව එම වාර්තාව සඳහන් කළේය.

ඉන්දියාව, ඉන්දුනීසියාව සහ පිලිපීනය වැනි රටවල් වේගවත් නගර ව්‍යාප්තියක් අත්විඳිමින් සිටියද, සාධාරණ මිල ගණන් යටතේ නිවාස සැපයීමට අපොහොසත් වී ඇත.

දැරිය හැකි නිවාස නොමැතිකම ආසියානු නගර මුහුණ දෙන විශාලතම අභියෝගයක් බවට පත්වෙමින් පවතින අතර එය ඵලදායිතාවට, ජීවන තත්ත්වයට සහ ආර්ථික වර්ධනයට බලපායි.

දැරිය හැකි නිවාස සඳහා සැළකිව යුතු ආයෝජනයක් නොමැතිව, ආසියාවේ ප්‍රධාන නගර බොහොමයක් ඉදිරි වසරවලදී තදබදය, අසමානතාව සහ ජීවන තත්ත්වයන් නරක අතට හැරීමේ අවදානමක සිටින බව වාර්තාව තවදුරටත් පැවසීය.