ගෝලීය පාරිසරික සංවිධානයක් වන Mighty Earth විසින් චීනය, ජපානය, දකුණු කොරියාව සහ සිංගප්පූරුව යන ආසියානු රටවල් හතරක ප්‍රධාන සුපිරි වෙළඳසැල් අටක දේශගුණික කැපවීම් සහ ක්‍රියාමාර්ග පිළිබඳව සිදුකළ ප්‍රථම ඇගයීම සහ ශ්‍රේණිගත කිරීම අනුව, ආයතන කිහිපයක් දේශගුණික දූෂණයට එරෙහිව ක්‍රියා කිරීමට අපොහොසත් වී ඇති බව හෙළි වී තිබේ.

විශේෂයෙන්ම චීනයේ ක්‍රියාත්මක වන ප්‍රධාන සුපිරි වෙළඳසැල් තුනක් මස්, කිරි නිෂ්පාදන සහ සහල් සැපයුම් දාමයන්ගෙන් නිකුත් වන මෙතේන් විමෝචනය පාලනය කිරීමට පියවර ගෙන නොමැති බව එහි සඳහන් වේ.

ආසියාවේ මස් පරිභෝජනය ඉහළ යාම, ප්‍රබල හරිතාගාර වායුවක් වන මෙතේන් වායුව වැඩි වීමට ප්‍රධාන හේතුවකි.

එම කරුණ පාදක කර ගනිමින් මෙම සුපිරි වෙළඳසැල්වල දේශගුණික කැපවීම් මෙහිදී විශ්ලේෂණය කර ඇත.

චීනය ලොව විශාලතම හරක් මස් ආනයනය කරන්නා වන අතර, ගෝලීය හරක් මස් වෙළඳ පරිමාවෙන් තුනෙන් එකකට වඩා වැඩි ප්‍රමාණයකට දායක වෙයි.

මිනිස් ක්‍රියාකාරකම් නිසා සිදුවන මෙතේන් විමෝචනයෙන් දළ වශයෙන් 32%ක් පශු සම්පත් කෘෂිකර්මාන්තයෙන් සිදුවන අතර, ගෝලීය වශයෙන් කෘෂිකාර්මික මෙතේන් විමෝචනය ඉහළ යාමට බලපාන ප්‍රධානතම සාධකය වන්නේ ද මෙම අංශයයි.

කලාපය තුළ පශු සම්පත් අංශයෙන් සැලකිය යුතු දේශගුණික බලපෑමක් එල්ල වුවද, ආසියානු සිල්ලර වෙළෙන්දන් තම මස් සහ කිරි නිෂ්පාදන සැපයුම් දාමයන්හි මෙතේන් විමෝචනය පිළිබඳ ගැටලුව විසඳීමට අපොහොසත් වී ඇති බව මෙම වාර්තාව අවධාරණය කරයි.

වාර්තාව මගින් විශ්ලේෂණය කරන ලද සිල්ලර වෙළඳ ආයතන අතර හොංකොං හි සුපිරි වෙළඳසැල් ජාල 02 ක්, චීනයේ ලෝක ප්‍රකට සුපිරි වෙළඳසැල් ජාලයක්, ජපානයේ වෙළඳසැල් ජාල 02 ක් සහ දකුණු කොරියාවේ වෙළැඳසැල් දෙකක් මෙන්ම සිංගප්පූරුවේ වෙළඳසැල් ජාලයක් ඊට ඇතුළත් වේ.

මෙම විශ්ලේෂණයේදී අවධානය යොමු කර ඇති ප්‍රධාන කරුණු කිහිපයක් මෙසේය:

මීතේන් වායුව සහ මස් පරිභෝජනය: ආසියාවේ මස් පරිභෝජනය ඉහළ යාම මෙතේන් වායුව (ගෝලීය උණුසුම කෙරෙහි දැඩි බලපෑමක් පෑමක් ඇති කරන හරිතාගාර වායුවකි) ඉහළ යාමට ප්‍රධාන හේතුවක් වී ඇත. ලොව විශාලතම හරක් මස් ආනයනය කරන්නා වන්නේ චීනයයි.

පශු සම්පත් කෘෂිකර්මාන්තයේ බලපෑම: මිනිස් ක්‍රියාකාරකම් නිසා පිටවන මෙතේන් වායුවෙන් 32%ක් පමණ පශු සම්පත් කෘෂිකර්මාන්තයෙන් සිදුවන අතර, ගෝලීය වශයෙන් කෘෂිකාර්මික මෙතේන් විමෝචනය ඉහළ යාමට බලපාන ප්‍රධානතම සාධකය ද මෙයයි.

සිල්ලර වෙළෙන්දන්ගේ අසමත් වීම: කලාපය තුළ මස් සහ කිරි නිෂ්පාදන සැපයුම් දාමයන්ගෙන් සිදුවන දේශගුණික බලපෑම් විශාල වුවද, ආසියානු සිල්ලර වෙළෙන්දන් මෙතේන් විමෝචනය පාලනය කිරීමට අපොහොසත් වී ඇති බව වාර්තාව අවධාරණය කරයි.