ජනාධිපති අනුර කුමාර දිසානායක සහ ඉන්දීය අගමැති නරේන්ද්‍ර මෝදි අතර දුරකථන සංවාදයකදී මැදපෙරදිග වර්ධනය වන තත්ත්වය පිළිබඳව සාකච්ඡා කර ඇති අතර, විශේෂයෙන් ගෝලීය බලශක්ති ආරක්ෂාවට බලපාන බාධාවන් කෙරෙහි අවධානය යොමුකර ඇත.

X සටහනක, ඉන්දීය අගමැති මෝදි ප්‍රකාශ කළේ, දුරකථන සංවාදය අතරතුර, ජනාධිපති අනුර දිසානායක සහ තමා දෙදෙනාම ඉන්දියා-ශ්‍රී ලංකා බලශක්ති සහයෝගීතාව ශක්තිමත් කිරීම සහ කලාපීය ආරක්ෂාව වැඩිදියුණු කිරීම අරමුණු කරගත් ප්‍රධාන වැඩසටහන්වල ප්‍රගතිය සමාලෝචනය කළ බවයි.

සමීප සහ විශ්වාසවන්ත හවුල්කරුවන් ලෙස, ජනාධිපති අනුර කුමාර දිසානායක සහ අගමැති නරේන්ද්‍ර මෝදි යන දෙදෙනාම අභියෝගවලට මුහුණදීම සඳහා සමීපව එක්ව කටයුතු කිරීමට ඇති කැපවීම නැවත තහවුරු කර තිබේ.