March 23, 2026
පසුගිය සතියේ පාර්ලිමේන්තු සැසිවාරයේදී තමාට මැද ඇඟිල්ල පෙන්වීම සම්බන්ධයෙන් අධිකරණ අමාත්ය හර්ෂණ නානායක්කාරට එරෙහිව වරප්රසාද ප්රශ්නයක් මතුකරන බව විපක්ෂ මන්ත්රී අජිත් පී. පෙරේරා ඊයේ ප්රකාශ කරයි.
“ඇමතිවරයාගේ ක්රියාව පාර්ලිමේන්තුවට අපහාස කිරීමක්. මයික් එක දුන්නත් නැතත් ඕනෑම මන්ත්රීවරයෙක් නිවැරදිව හැසිරිය යුතුයි” මන්ත්රී පෙරේරා පැවසීය.
වාචික ප්රශ්නයක් මතුකළ අජිත් පී. පෙරේරා මන්ත්රීවරයාට අධිකරණ අමාත්ය හර්ෂණ නානායක්කාර තම මැද ඇඟිල්ල පෙන්වීමෙන් පසු පසුගිය සතියේ දිනෙක පාර්ලිමේන්තුව අවුල් ජාලයකට පත්විය.
පිළිතුරක් ඉදිරිපත් කිරීමට අමාත්යවරයා සති දෙකක් ඉල්ලා සිටි විට පෙරේරා මන්ත්රීවරයා විරෝධය පළකිරීමෙන් කෝලාහලයක් ඇතිවිය.
මන්ත්රීවරයාට රීති ප්රශ්නයක් මතුකිරීමට අවශ්ය වූ නමුත් එයට ප්රතිචාර දැක්වූ කථානායක ජගත් වික්රමරත්න එහි කිසිදු රීති ප්රශ්නයක් නොමැති බව තීන්දු කළේය.
“මන්ත්රීවරුන් නිවැරදිව හැසිරිය යුතුයි” කථානායකවරයා පැවසීය.
පසුව කථානායකවරයා අජිත් පී. පෙරේරා මන්ත්රීවරයාගෙන් අමාත්යවරයාට එරෙහිව ලිඛිත පැමිණිල්ලක් ඉදිරිපත් කරන ලෙස ඉල්ලා සිටියේය.
