March 20, 2026
මෙරට ගුවන් සේවා මෙහෙයුම්, මගී ධාරිතාව, ගුවන් තොටුපළ පහසුකම් සහ ගුවන් තොටුපළ බදු අයකර ගැනීම ඇතුළු ගුවන් සේවා ක්ෂේත්රයේ වත්මන් තත්ත්වය පිළිබඳව පැහැදිලි කිරීම් ඉල්ලා එක්සත් ජාතික පක්ෂයේ හිටපු නියෝජ්ය නායක පාර්ලිමේන්තු මන්ත්රී රවි කරුණානායක පාර්ලිමේන්තුවේදී ආණ්ඩු පක්ෂය වෙත ප්රශ්න මාලාවක් යොමු කළේය.
සිවිල් ගුවන් සේවා අමාත්යවරයා අමතමින් මන්ත්රීවරයා පෙන්වා දුන්නේ, මෙරට සංචාරක කර්මාන්තය, වෙළඳාම සහ ජාත්යන්තර මගී ගමනාගමනය මත ශ්රී ලංකාව වැඩි වැඩියෙන් රඳා පවතින පසුබිමක, ගුවන් සම්බන්ධතාවල වැදගත්කම වඩ වඩාත් වර්ධනය වෙමින් පවතින බවයි.
දැනට ශ්රී ලංකාවට සිය සැලසුම් සහගත මගී ගුවන් සේවා සපයන ජාත්යන්තර ගුවන් සමාගම් සංඛ්යාව සහ එක් එක් ගුවන් සමාගමට අනුමත කර ඇති වාර්ෂික මගී ධාරිතාව පිළිබඳ සවිස්තරාත්මක තොරතුරු ඉල්ලා සිටින බව ද මන්ත්රීවරයා එහිදී පැවසුවේය.
එමෙන්ම, මෙරටින් බැහැර වන සෑම මගියෙකුගෙන්ම අය කරනු ලබන ගුවන් තොටුපළ බද්ද පිළිබඳවද ඔහු පැහැදිලි කිරීම් ඉල්ලා සිටි අතර, එම බද්ද ගුවන් ටිකට්පත් මිලට ඇතුළත් කර ඇත්ද, බදු මුදල් එකතු කිරීමට වගකිවයුතු ආයතනය කුමක්ද සහ එම මුදල් රජයට බැර කළ යුතු කාලසීමාවන් මොනවාද යන්න පිළිබඳවද විමසා සිටියේය.
