2026 ඔක්තෝම්බර් මාසයේදී ජපානයේ පැවැත්වීමට නියමිත ආසියානු ක්‍රීඩා උළෙලේදී ජාතික කණ්ඩායම පදක්කමක් සඳහා සූදානම් කිරීම වෙනුවෙන් ශ්‍රී ලංකා රග්බි සම්මේලනය, හිටපු ප්‍රංශ අන්තර්ජාතික සහ සත් සාමාජික පුහුණුකරු තියරි ජැනෙක්සෙක් සමඟ මාස හයක ගිවිසුමක් මත අත්සන් කරනු ඇති බව වාර්තා වේ.

ඔහු චීනයේ සහ ශ්‍රී ලංකාවේ පැවැත්වෙන ආසියානු සත් සාමාජික තරගාවලියේදී ජාතික කණ්ඩායම ද සමග කටයුතු කරනු ඇත.

තියරි 1982 දී ප්‍රංශ ජාතික කණ්ඩායම වෙනුවෙන් ක්‍රීඩාකළ අතර, 1993 දී ලෝක කුසලාන සත් සාමාජික රග්බි තරඟයේදීද තම රට නියෝජනය කළේය.

ඔහු 1996 සිට 2010 දක්වා ප්‍රංශ සෙවන්ස් කණ්ඩායමේ ප්‍රධාන පුහුණුකරු විය.

ඔහු 2014 දී චීනයේ නැන්ජිං හි පැවති යෞවන ඔලිම්පික් උළෙලේදී ප්‍රංශ වයස අවුරුදු 18 න් පහළ කණ්ඩායම රන් පදක්කමක් දක්වා ගෙන ගිය අතර, එය ඔහුගේ පුහුණු ජීවිතයේ ප්‍රධාන ජයග්‍රහණයකි.

තියරි සිකුරාදා දිවයිනට පැමිණෙනු ඇත.