March 8, 2026
ඉන්දීය සාගරය සාමකාමී කලාපයක් ලෙස පැවතිය යුතු බවත්, දිගින් දිගටම සිදුවන කිසිදු මිලිටරි ගැටුමක කොටසක් නොවිය යුතු බවත් විපක්ෂ නායක සජිත් ප්රේමදාස අවධාරණය කර තිබේ.
ඉන්දීය එන්ඩීටීවී මාධ්යය වෙත අදහස් දක්වමින් ප්රේමදාස පැවසුවේ ඉන්දියානු සාගරය නැවත නැවතත් සාම කලාපයක් ලෙස ප්රකාශයට පත් කර ඇති අතර එය අඛණ්ඩව ගැටුම්වලින් නිදහස්ව පැවතිය යුතු බවයි.
ශ්රී ලංකාවෙන් ඔබ්බට අන්තර්ජාතික මුහුදේදී ඉරාන යුද නෞකාවක් වන අයිරිස් ඩෙනා ගිලී යෑමෙන් පසු සහ තවත් ඉරාන නෞකාවක් වන අයිරිස් බුෂෙහර් වෙත ත්රිකුණාමලයේ නැංගුරම් ලෑමට අවසර දී ඇති පසුබිමක ඔහු මෙම අදහස් පළ කර තිබිණි.
අයිරිස් ඩෙනා නෞකාවෙන් දිවි ගලවා ගත් අයට සහාය වන බවත් අන්තර්ජාතික ප්රොටෝකෝල සහ මානුෂීය බැඳීම්වලට අනුකූලව තත්ත්වය හැසිරවීමට කටයුතු කරන බවත් ශ්රී ලංකා රජය පවසා තිබේ.
පුළුල් වෙමින් පවතින ගැටුම ශ්රී ලංකාව වැනි කුඩා රටවලට බරපතළ ප්රතිවිපාක ඇති කළ හැකි බවට අනතුරු අඟවමින් ප්රේමදාස ගැටුමට සම්බන්ධ සියලු පාර්ශවයන්ගෙන් ඉල්ලා සිටියේ මෙම ‘අසමමිතික යුද්ධය’ නතර කරන ලෙසයි.
2022 දී ශ්රී ලංකාව මුහුණ දුන් දරුණු ආර්ථික අර්බුදයෙන් තවමත් යථා තත්ත්වයට පත්වෙමින් සිටින බව ඔහු සඳහන් කළ අතර උත්සන්න වෙමින් පවතින මැද පෙරදිග ගැටුම රටට සහ ජනතාවට දැනටමත් බලපා ඇති බවට අනතුරු ඇඟවීය.
කලාපය පුරා ගැටුම තවදුරටත් පැතිරීම වැළැක්වීම සඳහා සියලු පාර්ශ්වයන් සංයමයෙන් කටයුතු කිරීමේ අවශ්යතාව විපක්ෂ නායකවරයා තවදුරටත් අවධාරණය කළේය.
