February 19, 2026
ශ්රී ලාංකික ප්රහසන ශිල්පියකු සමග මහමග සිදුකරන ලද සංවාදයක් හේතුවෙන් නිව්යෝර්ක් නගරාධිපති සොහ්රාන් මම්දානි ශ්රී ලාංකික සමාජ මාධ්ය පරිශීලකයින් අතර අවධානය දිනා ගෙන තිබේ.
ඉන්ස්ටග්රෑම් සහ ටික්ටොක් හි සංසරණය වුණු වීඩියෝවේ නිව්යෝර්ක්හි ශ්රී ලාංකික ප්රහසන ශිල්පියකු වන ෂෙනූක් සමඟ සංවාදයක යෙදෙන මැම්දානි දැකිය හැකිය.
එහිදී ෂෙනූක් නගරාධිපතිවරයාගෙන් ප්රශ්න කළේ, “මගේ අම්මාට මම හොඳ ශ්රී ලාංකික පිරිමි ළමයෙක් වෙන්නේ කොහොමද කියලා දැන ගන්න ඕනේ වෙලා” යනුවෙනි.
1892 සිට වයස අවුරුදු 34 දී නගරයේ ළාබාලතම නගරාධිපතිවරයා බවට පත් වූ මම්දානි සමඟ තම දරුවන් සැසඳීමට දකුණු ආසියානු මව්පියන් බොහෝ දෙනෙක් මේ වනවිට කටයුතු කරමින් සිටීම ඊට හේතුවයි.
නිව්යෝර්ක් නගරයේ පළමු ඉන්දියානු – ඇමරිකානු සහ මුස්ලිම් නගරාධිපතිවරයා මම්දානිය.
ප්රතිචාර වශයෙන්, මම්දානි ශ්රී ලංකාවේ හිටපු ක්රිකට් ක්රීඩක මුත්තයියා මුරලිදරන් සහ ඔහුට විශේෂ වූ ‘දූස්රා’ පන්දුව ගැන සිහිපත් කරමින් එය එක් දිශාවකට කැරකුණා ද තියුණු ලෙස අනෙක් දිශාවට හැරෙන බව සඳහන් කළේය.
“‘ඔබේ පළමු පියවර ඔවුන්ට කිසිදා දැනුම් නොදෙන්න’ යන වාක්ය ඛණ්ඩය ඔබ දන්නවාද? එයට ශ්රී ලාංකික මූලයන් තියෙනවා කියලා මම තර්ක කරනවා,” යැයි මම්දානි පැවසුවේය.
“ශ්රී ලංකාවේ ප්රසිද්ධ දඟ පන්දු යවන්නෙක් වන මුත්තයියා මුරලිදරන්ට දූස්රා පන්දුවක් තිබුණා. එක් පැත්තකට යනවා කියලා ඔබ හිතුවත් එය යන්නේ අනෙක් පැත්තට” ඔඅහු සඳහන් කළේය.
ඔහු ශ්රී ලාංකික ප්රජාවෙන් ඉගෙනගත් දෙය නම් සූදානම් වීමේ වැදගත්කම බවත් කෙනෙකුගේ ඊළඟ පියවර හෙළි නොකිරීම බවත් ඔහු තවදුරටත් පැවසීය.
“ඔබට හොඳ ශ්රී ලාංකික පිරිමි ළමයෙක් වෙන්න පුළුවන් එහෙමයි,” යනුවෙන් මම්දානි වීඩියෝවේ පැවසූ අතර, එම වීඩියෝව එතැන් සිට ශ්රී ලාංකික සමාජ මාධ්ය භාවිත කරන්නන් අතර පුළුල් ලෙස සංසරණය වී ඇත.
