කලක් රාජ්‍ය නිලධාරීන්ට මඟ පෙන්වූ ‘ලැජ්ජාව’ සහ ‘සදාචාරය’ දැන් නැති වී ගොස් ඇති බව එක්සත් ජනපද හිටපු ජනාධිපති බැරැක් ඔබාමා ප්‍රකාශ කර තිබේ.

මෙය සැළකෙන්නේ ජනාධිපති ඩොනල්ඩ් ට්‍රම්ප්ගේ සමාජ මාධ්‍යවල පළ කරන ලද ජාතිවාදී වීඩියෝවකට කරන ලද වක්‍ර ආමන්ත්‍රණයක් ලෙසිනි.

එම අපහාසාත්මක වීඩියෝවේ ඔබාමා සහ ඔහුගේ බිරිඳ මිෂෙල් වඳුරන් ලෙස නිරූපණය කරන වීඩියෝ දර්ශනයක් ඇතුළත් වූ අතර එය ඩිමොක්‍රටික් සහ රිපබ්ලිකන් පක්ෂයෙන් පුළුල් විවේචනයට ලක් විය.

ධවල මන්දිරය මුලින් වීඩියෝව ආරක්ෂා කළ අතර, ප්‍රතිප්‍රහාර ‘ව්‍යාජ කෝපයක්’ ලෙස හැඳින්වීය.

මෙම සටහන පසුව කාර්ය මණ්ඩල සාමාජිකයකුට දොස් පවරා මකා දමන ලදී.

පොඩ්කාස්කරුවකු වන බ්‍රයන් ටයිලර් කොහෙන් සමඟ ඔබාමා කතා බහකට එක් වී තිබූ අතර, ඔහු එක්සත් ජනපද පළමු කළු ජනාධිපතිවරයාගෙන් දේශපාලන කතිකාවේ ස්වරය ගැන විමසීය.

කොහෙන් මෑත කාලීන මතභේද කිහිපයක් අතර ට්‍රම්ප්ගේ සටහන උපුටා දැක්වීය.

The Lion Sleeps Tonight ගීතයට සකසා ඇති අදාළ වීඩියෝව, 2020 මැතිවරණයේදී ඡන්දදායක වංචා පිළිබඳ පදනම් විරහිත ප්‍රකාශ අඩංගු ට්‍රම්ප්ගේ Truth Social ගිණුමේ මුදාහැර තිබූ වීඩියෝවක අවසානයේ ඇතුළත් විය.

මෙම සටහන ට්‍රම්ප්ගේ රිපබ්ලිකන් පක්ෂ ජ්‍යෙෂ්ඨ සාමාජිකයන් ඇතුළු දේශපාලනඥයන්ගේ කෝපයට හේතු විය.

එකම කළු රිපබ්ලිකන් සෙනෙට් සභික ටිම් ස්කොට් එය විස්තර කළේ “මම මේ ධවල මන්දිරයෙන් දැක ඇති වඩාත්ම ජාතිවාදී දෙය” ලෙසයි.

මෙම වීඩියෝවේ කළු ජාතිකයන් වඳුරන්ට සංසන්දනය කරන ජාතිවාදී විකට රූප සිහිපත් කරන අතර, ඔක්තෝබර් මාසයේදී කොන්සර්වේටිව් මීම් නිර්මාපකයකු වන සෙරියාස් විසින් බෙදා ගන්නා ලද X සටහනකින් එය ලබාගෙන ඇති බව පෙනේ.

ට්‍රම්ප් වාර්තාකරුවන්ට පවසා ඇත්තේ ඔබාමාවරුන් පෙන්වන වීඩියෝවේ කොටස ‘නොදුටු’ බවයි.

ඔහු සමාව අයැදීමට සැලසුම් කර ඇත්දැයි විමසූ විට, “මම වැරැද්දක් කළේ නැහැ,” යැයි ඔහු වාර්තාකරුවන්ට පැවසීය.

ඔබාමා සහභාගී වූ මිනිත්තු 47ක පොඩ්කාස්ට් එක සෙනසුරාදා නිකුත් කරන ලදී.

කථාංගය ආරම්භ වන්නේ සත්කාරකයා ඔහුගෙන් එක්සත් ජනපද “කතිකාව” පිළිබඳව අදහස් දක්වන ලෙස ඉල්ලා සිටීමෙනි.

එය “අපි මීට පෙර දැක නැති කෲරත්වයේ මට්ටමකට විකාශනය වී ඇති” බව ඔහු පවසයි.

“දින කිහිපයකට පෙර ඩොනල්ඩ් ට්‍රම්ප්, ඔබේ මුහුණේ පින්තූරයක් වානරයකුගේ ශරීරයක් මත තබා තිබුණා” යනුවෙන් බ්‍රයන් ටයිලර් එහිදී විමසීය.

“ඇමරිකානු ජනතාවගෙන් බහුතරයක් මෙම හැසිරීම ගැඹුරින් කරදරකාරී බව හඳුනා ගැනීම වැදගත්. එය අවධානයට ලක්වන බව සත්‍යයක්. එය අවධානය වෙනතකට යොමු කිරීමක් බවත් සත්‍යයක්.” ඔබාමා ප්‍රතිචාර දක්වමින් පැවසීය.

නමුත් ඔබාමා පැවසුවේ එක්සත් ජනපදය පුරා සංචාරය කරන අතරතුර, “තවමත් විනීතභාවය, ආචාරශීලීභාවය, කරුණාව විශ්වාස කරන” පුද්ගලයන් මුණගැසුණු බවයි.

“සමාජ මාධ්‍යවල සහ රූපවාහිනියේ මෙවැනි විහිළු සංදර්ශන තිබෙනවා,” යනුවෙන් ඔහු තවදුරටත් පැවසීය.

“සත්‍යය නම්, ඔබට යම් ආකාරයක සදාචාරයක්,සුදුසුකමක් සහ තම තනතුරට ගරු කිරීමක් තිබිය යුතු යැයි හැඟෙන පුද්ගලයන් අතර මේ ගැන කිසිදු ලැජ්ජාවක් නොමැති බව පෙනෙනවා කියන එක නේද? ඒක නැති වෙලා.” යනුවෙන් ඔහු පැවසීය.

ඔහු තම ප්‍රතිචාරයේදී ට්‍රම්ප්ගේ නම සඳහන් කළේ නැත.

සම්මුඛ සාකච්ඡාව අතරතුර, ඔබාමා විවිධ ගැටළු ගැන කතා කළේය.

සංක්‍රමණ මෙහෙයුම්වලට එරෙහිව සාමකාමීව සංවිධානය වූ, නැවත මැතිවරණ දිස්ත්‍රික්ක වෙන් කිරීම සාකච්ඡා කළ සහ ලබන වසරේ චිකාගෝ හි විවෘත කිරීමට නියමිත ඔහුගේ ජනාධිපති පුස්තකාලය ගැන ද ඔහු අදහස් පළ කර තිබිණි.