චීනය හරහා රුසියාවට දස දහස් ගණනක් මෝටර් රථ ආනයනය කෙරෙන බව වාර්තා වේ.

රුසියාව යුක්රේනය ආක්‍රමණය කිරීමෙන් පසු සම්බාධක සහ සමාගම් පොරොන්දු නොතකා මෙය සිදුවන බව සඳහන්.

ඒ අතර ජපන් සහ ජර්මානු සුඛෝපභෝගී මාදිලි ද වන බව පැවසේ.

රුසියානු පර්යේෂණ සමාගමක් වන ඔටෝස්ටැට් හි දත්ත සහ වෙළඳාමට සම්බන්ධ පුද්ගලයින් සමඟ සිදු කළ සම්මුඛ සාකච්ඡාවලදී අනාවරණ වූ දත්ත මත පදනම්ව විදෙස් ජනමාධ්‍ය මේ බව වාර්තා කර ඇත.

ආනයනය කරන ලද මෝටර් රථ බොහොමයක් චීනයේ නිපදවා ඇති අතර, එහිදී බොහෝ ගෝලීය වෙළඳ නාමවල කර්මාන්තශාලා ඇත.

ඒවායින් වැඩිවන සංඛ්‍යාවක් ශුන්‍ය සැතපුම් “භාවිතා කළ” වාහන ලෙස විකුණනු ලැබේ.

එම මෝටර් රථ චීනයේ අලුත්ම ලෙස මිලදී ගෙන පසුව භාවිතා කර අපනයනය කරන ලද ඒවා ලෙස නැවත වර්ගීකරණය කරනු ලැබේ.

සිචුවාන් හි පදිංචි එක් මෝටර් රථ වෙළෙන්දෙකු පැවසුවේ රුසියාවට විකිණීම සඳහා මෝටර් රථ නිෂ්පාදකයින්ගේ අනුමැතිය ලබා ගැනීමේ අවශ්‍යතාවය මෙම පිළිවෙත මඟ හරින බවයි.

ශුන්‍ය සැතපුම් සහිත මෝටර් රථ චීනයේ ලාභදායී ලෙස විකුණනු ලබන නමුත් රුසියාවේ නව මෝටර් රථවලට සමාන මිල ගණන් ලබා ගනී.