බ්‍රිටිෂ් එයාර්වේස් ගුවන් යානයක් ගුවන්ගත වී ටික වේලාවකට පසු එහි රෝදයක් යානයෙන් ගිලිහි ගිය මොහොතක් වීඩියෝවක සටහන් වී තිබේ.

එයාර් බස් A350-1000 යානයක් යැයි විශ්වාස කරන යානයකින් පසුපස රෝදය මෙලෙස වෙන් වී තිබිණි.

ගුවන් යානය ඉහළට නගින විට, ගොඩබෑමේ ගියරයේ පිටුපස කොටසෙන් රෝදයක් පහත වැටෙනු දක්නට ලැබිණි.

සිද්ධිය වූ සඳුදා දේශීය වේලාවෙන් රාත්‍රී 9.10ට පමණ බ්‍රිටිෂ් එයාර්වේස් ගුවන් යානය ඇමෙරිකාවේ නෙවාඩා නගරයේ හැරී රීඩ් අන්තර්ජාතික ගුවන්තොටුපළෙන් පිටත් වී තිබිණි.

flightradar24ට අනුව, නියමිත කාලයට වඩා මිනිත්තු 27කට පෙර, යානය අත්ලාන්තික් සාගරය හරහා ආරක්ෂිතව පියාසර කර ලන්ඩනයට ගොඩ බැස්සේය.

රෝදයේ ගැටලුවට හේතුව කුමක්ද යන්න පැහැදිලි නැත.

බ්‍රිටිෂ් එයාර්වේස් නිවේදනයක් නිකුත් කරමින් පවසා තිබුණේ “සුරක්ෂිත බව සහ ආරක්ෂාව අප කරන සෑම දෙයකටම පාදක වන අතර අපි බලධාරීන්ට ඔවුන්ගේ පරීක්ෂණ සඳහා සහාය දෙමු” යනුවෙනි.

හැරී රීඩ් අන්තර්ජාතික ගුවන්තොටුපළ පැවසුවේ ඊයේ රාත්‍රියේ ලාස් වේගාස් වෙතින් පිටත් වී ලන්ඩනයට ගිය බ්‍රිතාන්‍ය ගුවන් සේවයේ ගුවන් යානයක් සම්බන්ධ සිදුවීමක් පිළිබඳ තමන් දැනුවත් බවත්, යානය අනතුරකින් තොරව ආරක්ෂිතව ගොඩ බැස්ස බවත්ය.

ටයරය ගුවන් තොටුපළෙන් ඉවත් කරන ලද අතර, ගුවන් තොටුපළ දේපළවලට කිසිදු හානියක් වාර්තා වී නොමැති බව අදාළ ප්‍රකාශකයේ වැඩිදුරටත් සඳහන් වේ.