ඕස්ට්‍රේලියානු ක්‍රිකට් පුරාවෘත්තයක් වන ඩොනල්ඩ් බ්‍රැඩ්මන් විසින් පැළඳි කොළ පැහැති තොප්පියක් පසුගිය සඳුදා ඕස්ට්‍රේලියාවේ පැවති ප්‍රසිද්ධ වෙන්දේසියක දී වාර්තාගත මිලකට වෙන්දේසි වී තිබේ.

එරට මාධ්‍ය වාර්තා කරන්නේ ඕස්ට්‍රේලියානු ඩොලර් 460,000 (ඇමරිකානු ඩොලර් 319,000)ක මිලක් එම තොප්පියට හිමි වූ බවයි.

16.5%ක ගැනුම්කරුගේ වාරිකය වන ඕස්ට්‍රේලියානු ඩොලර් 75,900ක් එකතු කළ පසු තොප්පිය සඳහා ගෙවන ලද මිල ඕස්ට්‍රේලියානු ඩොලර් 535,900ක් වන අතර එය පෙර වාර්තා වූ 2024 දී අලෙවි කරන ලද කොළ පැහැති තොප්පිය අභිබවා යයි.

එම තොප්පිය වෙන්දේසියේදී ගැනුම්කරුගේ වාරිකය ඇතුළුව ඕස්ට්‍රේලියානු ඩොලර් 479,700කට මිලදී ගන්නා ලදී.

සඳුදා විකුණන ලද තොප්පිය 2001 වසරේ දී වයස අවුරුදු 92ක්ව සිටියදී මියගිය බ්‍රැඩ්මන් විසින් ඉන්දීය තුන් ඉරියව් ක්‍රීඩක ශ්‍රීරංග වාසුදේව් ‘රංග’ සොහෝනි වෙත ලබා දී තිබිණි.

තොප්පිය ඇතුළත, ‘ඩී.ජී. බ්‍රැඩ්මන්’ සහ ‘එස්.ඩබ්ලිව්. සොහෝනි’ යන නම් සටහන් කර තිබේ.

බ්‍රැඩ්මන්ගේ කාලයේ ඔවුන් ක්‍රීඩා කළ සෑම තරගාවලියක් සඳහාම කොළ පැහැති තොප්පිය පිරිනමන ලදී.

වර්තමානයේ මංගල ටෙස්ට්තරගයකදී එවැනි එක් තොප්පියක් පමණක් ලබා දෙයි.

වෙන්දේසියට ඉදිරිපත් කරන තෙක් සොහෝනිගේ පවුලේ අය තොප්පිය ආරක්ෂා කළහ.

සොහෝනි 1993 දී වයස අවුරුදු 75 දී මියගොස් තිබිණි.

මෙම තොප්පිය ඕස්ට්‍රේලියානු කෞතුකාගාරයක ප්‍රදර්ශනය කෙරෙනු ඇත.

බ්‍රැඩ්මන් මෙම තොප්පිය පැළඳි තරගාවලිය ස්වාධීන රටක් ලෙස ඉන්දියාවේ පළමු අවස්ථාව සහ බ්‍රැඩ්මන්ගේ මව්බිමේ අවසන් අවස්ථාව වීම නිසා කැපී පෙනේ.

1947/48 තරග වාරයේ පැවති එම තරගාවලිය ඕස්ට්‍රේලියානුවන් 4-0ක ලෙස ජයග්‍රහණය කළ අවස්ථාවේ බ්‍රැඩ්මන් එය අමතක නොවන තරගාවලියක් බවට පත් කළේ ඔහුගේ 100 වැනි පළමු පන්තියේ ශතකය ඇතුළුව ලකුණු 715ක් ලබා ගැනීම හේතුවෙනි.

බ්‍රැඩ්මන් ක්‍රිකට් ක්‍රීඩාවේ ශ්‍රේෂ්ඨතම පිතිකරුවා ලෙස සළකනු ලබන අතර ඔහුගේ තරඟ 52ක ටෙස්ට් දිවියේ සාමාන්‍යය 99.94කි.