හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂගේ මිත්තණිය වන ඩේසි ෆොරස්ට්, නඩු විභාගයට පෙනීසිටීම සඳහා ඇගේ මානසික තත්ත්වය පිළිබඳ පරීක්ෂණයක් වෙනුවෙන් අද කොළඹ අධිකරණ වෛද්‍ය නිලධාරීවරයා වෙත පැමිණියාය.

නීතිපතිවරයා ඊයේ කොළඹ මහාධිකරණයට කරුණු දැනුම්දීමෙන් පසු ඇය පරීක්ෂණය සඳහා වාර්තා කර තිබේ.

මුදල් විශුද්ධිකරණය වැළැක්වීමේ පනත යටතේ ඇයට එරෙහිව ගොනුකර ඇති නඩුව කොළඹ මහාධිකරණ විනිසුරු රශ්මි සිංගප්පුලි ඉදිරියේ විභාගයට ගත් අවස්ථාවේදී මේ සම්බන්ධයෙන් අධිකරණයට දැනුම්දෙන ලදී.