ගාල්ල උඩුගම මහේස්ත්‍රාත් අධිකරණයේ පිස්කල්වරයා අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.

ගාල්ල මහාධිකරණයේ රාජකාරි කරමින් සිටියදී, සැකකරු ගාල්ල අතිරේක මහේස්ත්‍රාත් අධිකරණයේ විභාග වන නඩුවකට සම්බන්ධ කාන්තාවකට සිතාසියක සඳහන් නඩු දිනය කල්දමා දෙන බවට පොරොන්දු වී ඇතැයි වාර්තා වේ.

නීතිවිරෝධී ආකාරයකින් සිතාසිය භාර දෙමින් ඔහු මෙම පොරොන්දුව ලබා දී ඇති බවත්, ඒ සඳහා සැකකරු කාන්තාවගෙන් රුපියල් 3,500 ක අල්ලසක් ඉල්ලා ඇති අතර අල්ලස් මුදල ලබාගනිමින් සිටියදී අත්අඩංගුවට ගෙන ඇති බවත් පැවසේ.

කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමෙන් පසු සැකකරු නොවැම්බර් 28 වන දින දක්වා රක්ෂිත බන්ධනාගාර ගත කිරීමට නියෝග කළේය.